İfaçımız Astananın yubiley festivalında qalib olub

Astanada xalq instrumental alətləri ifaçılarının II Beynəlxalq festivalı keçirilib. Qazaxıstan bəstəkarı, qazax kobuz ifaçısı Tilep Aspantayulının 260 və Astana şəhərinin 20 illik yubileylərinə həsr olunmuş festivalda 15 ölkədən simli alətlərin ifaçıları iştirak ediblər.

Ölkəmizi festivalda kaman ifaçıları – Əməkdar artist Rauf İslamov və Mədinə Şahgəldiyeva təmsil ediblər. İştirakçılar qazax xalq musiqilərini ifa ediblər.

Simli xalq çalğı alətləri festivalı qala-konsertlə başa çatıb.

Festivalın qalibləri arasında Mədinə Şahgəldiyeva da var. Həmyerlimizin ifası münsiflər heyəti tərəfindən alqışla qarşılanıb.

Laureatlara diplomlar, mükafatlar təqdim edilib.

Mədəniyyət.- 2018.- 19 sentyabr.- S.7.