33 ölkədən rəssamlar bir arada

Adana Böyükşəhər Bələdiyyəsinin təşkil etdiyi II Türk dünyası sənət toplantısı öz işinə başlayıb. Tədbirə 33 ölkədən 93 rəssam qatılıb.

Rəssamlar bir həftə boyunca Adananın tarixini, maddi-mədəniyyət abidələrini kətan üzərinə köçürəcəklər. Yaradılan əsərlər yanvarın 31-də təşkil ediləcək sərgidə sənətsevərlərə təqdim olunacaq və bir həftə nümayiş etdiriləcək.

Ölkəmizi bu tədbirdə rəssamlar Vahid Novruzov, İlqar Əkbərov, Həmzə Sadıqov, İlham Ənvəroğlu, Həbib Allahverdiyev, Teymur Ağalıoğlu təmsil edirlər.

S.Qaliboğlu

Mədəniyyət.- 2018.- 26 yanvar.- S.8.