Xətai Sənət Mərkəzi rəsm müsabiqəsi elan edib

Bakıdakı Xətai Sənət Mərkəzi “Nəsimi ili” çərçivəsində “Azərbaycanım” adlı ikinci respublika uşaq rəsm müsabiqəsi elan edib. Müsabiqə Mədəniyyət Nazirliyi, Azərbaycan Dövlət Rəsm Qalereyası, Təhsil Nazirliyinin Respublika 2 nömrəli Uşaq-gənclər inkişaf mərkəzi, “Azərbaycan Televiziya və Radio Verilişləri” QSC, Xətai Rayon İcra Hakimiyyəti və Rəssamlar İttifaqı ilə birgə keçirilir.

Mərkəzin direktoru Zahid Əvəzovun sözlərinə görə, müsabiqədə iştirak etmək istəyən 5 yaşdan 17 yaşa qədər uşaqlar, ad və soyad, təvəllüd, əlaqə nömrəsi, oxuduğu məktəb və ya təsviri sənətlə məşğul olduğu tədris mərkəzinin adını qeyd etməklə, ən çoxu 3 rəsmin fotosunu aprelin 30-dək Xətai Sənət Mərkəzinin “Whatsapp” nömrəsinə (+99451 310 74 01) göndərməlidir. Seçim iki yaş kateqoriyası üzrə (12 yaşa qədər və 12-17) aparılacaq.

Mədəiyyət.- 2019.- 5 aprel.- S.3.