“YARAT” Akademiyası
payız sessiyasına
start verir
“YARAT” Müasir İncəsənət
Məkanı “YARAT” Akademiyasının
növbəti payız
sessiyasını elan edir.
Layihə 3 ayı əhatə edəcək. Mövzusu “Qeyri-ənənəvi tarix”
olan sessiyada iştirakçılar çoxşaxəli
tədqiqat metodları
və tematik araşdırma metodu ilə tanış olacaq, tanınmış beynəlxalq və yerli rəssamlar, tədqiqatçılar və
professorlarla görüşəcək,
habelə panel müzakirə
və seminarlarda iştirak edəcək və kursun sonunda verilmiş tapşırığı yerinə
yetirməklə əldə
edilmiş bacarıqları
praktiki sahədə tətbiq edəcəklər.
“YARAT” Akademiyasının bütün xarici mütəxəssis mühazirələri
Azərbaycan dilinə
sinxron və ya ardıcıl tərcümə olunur.
Sentyabrın 5-də musiqiçi, bəstəkar və prodüser Diana Hacıyevanın
“Şəffaf: dərin
rəng kimi” adlı performansı təqdim olunacaq.
Performans “YARAT” Müasir İncəsənət
Mərkəzində rəssam
Zadi Çanın “Maqohalmi övladı və yaradılış sədası” adlı fərdi sərgisi çərçivəsində reallaşacaq.
Yarı improvizə edilmiş
musiqili çıxışda akustik baraban, iri elektron baraban,
immersiv gitara rifləri,
genişhəcmli elektron ped
alətinin səsləri və məlahətli vokal
tədricən şaman mahnılarına keçid alır.
Mədəniyyət.- 2019.- 30
avqust.- S.2.