Teatr və konsert müəssisələri işçilərinin maaşları 50 faiz artırılıb

Azərbaycan Respublikasının Prezidenti İlham Əliyev martın 11-də teatr və konsert müəssisələri işçilərinin sosial müdafiəsinin gücləndirilməsi haqqında sərəncam imzalayıb.

Sərəncama əsasən, ölkəmizdə teatr sənətinin daha da inkişaf etdirilməsi, teatr və konsert müəssisələri işçilərinin sosial müdafiəsinin gücləndirilməsi məqsədilə dövlət büdcəsindən maliyyə yardımı alan teatr və konsert müəssisələrində çalışan işçilərin aylıq vəzifə maaşları 2019-cu il martın 1-dən orta hesabla 50 faiz artırılıb.

Azərbaycan Respublikasının Mədəniyyət Nazirliyinə və Azərbaycan Respublikasının Maliyyə Nazirliyinə sərəncamın icrası ilə bağlı zəruri tədbirlər görmək tapşırılıb.

Mədəniyyət.- 2019.- 13 mart.- S.1.