“Çölçü” filmi daha bir müsabiqə proqramında

2012-ci ildə “Azərbaycanfilm” kinostudiyasında çəkilmiş “Çölçü” filmi “Dumbo film” festivalının müsabiqə proqramına daxil edilib.

Filmin rejissoru Şamil Əliyevin verdiyi məlumata görə, festivala 36 ölkədən 354 sifariş daxil olub.

“Çölçü” filmində arxaik aləmdə yaşayan çölçü ilə müasir mədəniyyətin daşıyıcısı olan gənc qızın münasibətlərindən bəhs edilir. Atasının ölümündən sonra dərviş kimi yaşayan çölçü bu qızla rastlaşandan sonra onun həyatı tamam dəyişir.

2014-cü ildə “Xarici dildə ən yaxşı film” nominasiyasında “Oskar” mükafatına namizədlərin ilkin siyahısına daxil edilmiş “Çölçü” filmi onlarla beynəlxalq festivalda iştirak edib və 20-dən çox mükafat alıb.

Mədəniyyət.- 2019.- 17 may.- S.8.