Bakı Caz Festivalı başa çatıb

Oktyabrın 18-dən 27-dək davam edən Bakı Caz Festivalı bu musiqi növünün pərəstişkarlarına yüksək ifaçılıq zövqlü zəngin təəssürat bəxş edib.

Festivala Türkiyə, Rusiya, Ukrayna, Almaniya, Belçika, Fransa, Vyetnam və başqa ölkələrdən cazmen və qruplar qatılıb. Ümumilikdə 20-dən çox konsert, ustad dərsləri təşkil olunub.

Azərbaycan cazmenləri də maraqlı konsert proqramları ilə çıxış ediblər.

Oktyabrın 24-də “Rotunda Jazz Club”da Əfqan Rəsulun triosu repertuarındakı caz kompozisiyalarını ifa edib. Oktyabrın 26-da isə bu məkanda Tural Rafael və Sultan Hüseyn duetinin konserti maraqla qarşılanıb. Musiqiçilər populyar caz-hitləri və müəllif kompozisiyalarını ifa ediblər.

Mədəniyyət.- 2019.- 30 oktyabr.- S.2.