“Yaşamaq haqqı”

Azərbaycan Yazıçılar Birliyinin (AYB) sədri, Xalq yazıçısı Anarın “Yaşamaq haqqı” tarixi-kulturoloji traktatı işıq üzü görüb.

Kitabda qədim dövrdən günümüzədək ümumtürk tarixinə ekskurs olunur. Qədim türk abidəsi olan Orxon-Yenisey kitabələrindən üzü bəri bir çox mənbələrə müraciət edən müəllif tarixi hadisələr, görkəmli şəxsiyyətlər, ictimai-siyasi xadimlər, maarifçilərimiz haqqında şəxsi mülahizələrini bölüşür.

Yazıçı zəngin həyat təcrübəsi və dərin mütaliəyə dayanan baxışı ilə xalqımızın millət olaraq formalaşması, dil problemi, Azərbaycanın ikiyə parçalanması, Şərqdə ilk demokratik cümhuriyyətin yaranışı, sovet imperiyasının qurulması, Stalin repressiyalarının tariximizdə izləri, ermənilərin torpaqlarımıza təcavüzü və Qarabağın işğalı, 20 Yanvar, Xocalı faciələri, tarix boyu Azərbaycanın başına gətirilmiş bəlaların ədəbiyyat və incəsənətimizə necə sirayət etməsi və s. mövzulara müxtəlif rakurslardan nəzər salır.

Mədəniyyət.- 2020.- 19 mart.- S.7.