“Art Management” layihəsində növbəti vebinar keçirilib

Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə reallaşan “Art Management” layihəsi çərçivəsində iyulun 6-da növbəti vebinar keçirilib.

“İncəsənət əsərlərinin istehsalı və satışı” mövzusunda vebinarı sərgi kuratoru, sənətşünas Fərəh Ələkbərli aparıb.

Vebinar Azərbaycan Dövlət Rəsm Qalereyasının rəsmi saytı (www.azgallery.az), “Facebbok” və “İnstagram” sosial media hesabları vasitəsilə yayımlanıb.

Vebinarda iştirakçıların sualları cavablandırılıb, mövzu ətrafında fikir mübadiləsi aparılıb.

Fərəh Ələkbərli Azərbaycan Dövlət Rəssamlıq Akademiyasının Təsviri incəsənətin tarixi və nəzəriyyəsi fakültəsinin magistr pilləsini bitirib. “Baku Creative Centre” yaradıcılıq mərkəzinin, Mədəniyyət Nazirliyinin layihələrinin, YARAT Müasir İncəsənət Mərkəzinin bir çox sərgilərinin kuratoru olub.

Mədəniyyət.- 2021.- 9 iyul. S. 7.