Oljas Süleymenov “Şərəf” ordeni ilə təltif edilib
Qazaxıstanın Xalq yazıçısı,
şair, ədəbiyyatşünas,
ictimai xadim Oljas Süleymenov Azərbaycanın “Şərəf”
ordeni ilə təltif edilib.
Prezident İlham Əliyevin mayın 18-də imzaladığı
sərəncama əsasən,
Oljas Süleymenov Azərbaycan Respublikası
və Qazaxıstan Respublikası arasında mədəni əlaqələrin
inkişafına verdiyi
töhfələrə görə
yüksək təltifə
layiq görülüb.
Mayın 18-də 85 yaşı tamam
olan Oljas Süleymenov Azərbaycanın böyük
dostudur. O,
Azərbaycan mədəniyyətinin dünyada
təbliği və ölkəmizlə əlaqələrin
möhkəmlənməsində xidmətlərinə görə
“Şöhrət” (2006) və “Dostluq”
(2011) ordenləri ilə də təltif olunub.
Mədəniyyət.- 2021.- 19 may.-
S.2.