Luvr Muzeyinin Karusel zalında Azərbaycan rəssamlarının əsərləri nümayiş olunub

Parisin məşhur Luvr Muzeyinin Karusel zalında keçirilən “Art Shopping-2021” beynəlxalq incəsənət sərgisində Azərbaycan rəssamlarının əsərləri nümayiş etdirilib.

Diasporla İş üzrə Dövlət Komitəsindən bildirilib ki, Əməkdar rəssam Əsmər Nərimanbəyovaya məxsus “ASMAR Art” pavilyonunda Azərbaycan rəssamları ilə yanaşı, Türkiyə, Fransa, Əlcəzair və Gürcüstandan müəlliflərin də sənət əsərləri təqdim olunub. Onların arasında Estoniyada yaşayan azərbaycanlı rəssam Rövşən Nurun impressionist üslubda çəkdiyi əsərlər də olub.

Pavilyonda təqdim olunan əsərlərdəki rəng sxemi, ətraf aləmin qavranılması kimi mühüm məsələlər sərgi ziyarətçilərində maraq doğurub.

Luvrda keçirilən ənənəvi “Art Shopping” incəsənət sərgisində son illər Azərbaycan rəssamları da fəal iştirak edirlər.

Mədəniyyət.- 2021.- 3 noyabr.- S.8.