Tarix Muzeyi Vətən müharibəsi ilə bağlı xatirə əşyalarını qəbul edir

Milli Azərbaycan Tarixi Muzeyi Azərbaycan torpaqları uğrunda canından keçərək şəhidlik zirvəsinə ucalan Vətən övladlarına məxsus əşyaların muzey eksponatı kimi qorunub saxlanması, nümayişi və gələcək nəsillərə tanıdılması məqsədilə layihəyə başlayıb.

Bu məqsədlə muzey “Vətən müharibəsi” adlı sərgi və daimi ekspozisiyası üçün Birinci və İkinci Qarabağ müharibələrində şəhid olan zabit və əsgərlərimizə, o cümlədən müharibə iştirakçılarına məxsus xatirə əşyalarının qəbulunu elan edib.

Bu barədə muzeydən məlumat verilib. Bildirilib ki, sərgi və daimi ekspozisiya üçün şəhidlərin yaxınları tərəfindən muzeyə həvalə ediləcək əşyalar sənədləşdirmə yolu ilə qəbul olunacaq.

Mədəniyyət.- 2021.- 15 yanvar.- S.4.