Heydər Əliyev irsinə dair nəşrlər dünya kataloqunda araşdırılıb

Azərbaycan Dövlət İqtisad Universiteti (UNEC) Kitabxana İnformasiya Mərkəzinin “Heydər Əliyev İli”nə həsr edilmiş “Oxu mədəniyyəti” layihəsi çərçivəsində Ümummilli liderin irsi, həyat və fəaliyyətinə dair nəşrlər dünya kataloqunda – “WorldCat”da araşdırılıb.

UNEC-dən bildirilib ki, araşdırma zamanı kataloqda Ulu öndərə həsr olunan 1000-dən çox nəşr müəyyən olunub. Bu nəşrlərə 710 çap kitabı, 73 elektron kitab, 8 mikroforma, 1 dissertasiya, 1 əlyazma, 1 brayl şriftli kitab, 130 məqalə, 84 tammətnli məqalə, 13 arxiv materialı, 1 onlayn video və s. daxildir.

“WorldCat”da yer alan nəşrlər ingilis (470), Azərbaycan (350), rus (130), fransız (45), alman (36), türk (25), italyan (20) və başqa dillərdədir.

Mədəniyyət.- 2023.- 14 aprel.- S.6.