“Vətən
sərhəddən başlanır”
Azərbaycan Respublikasının sərhəd
mühafizə orqanları
əməkdaşlarının peşə bayramı günü (18 avqust) münasibətilə bölgələrdə
bir sıra tədbirlər təşkil
olunub.
M.F.Axundzadə adına Şəki şəhər Mədəniyyət
Mərkəzinin tabeliyində
fəaliyyət göstərən
Kiçik Dəhnə
kənd Diyarşünaslıq
klubunda şəhər
MKS-nin 19 nömrəli
kitabxana filialı ilə birgə “Vətən sərhəddən
başlanır” mövzusunda
tədbir keçirilib.
Çıxış edənlər
sərhədlərimizin təhlükəsizliyinin
təmin olunmasında
əsl rəşadət
göstərən igidlərimizin
vətənimizin keşiyində
hər zaman ayıq-sayıq durduğunu
qeyd ediblər. Sonda şagirdlərin ifasında şeirlər səsləndirilib.
Şəmkir rayon Zəyəm qəsəbə və Düyərli kənd Mədəniyyət evlərinin
birgə təşkilatçılığı
ilə rayon ərazisində yerləşən
N saylı hərbi hissədə konsert proqramı keçirilib.
Dövlət Sərhəd Xidmətinin Lənkəran şəhərindəki
N saylı hərbi hissəsində bayram tədbiri keçirilib. Lənkəran şəhər
Mədəniyyət Mərkəzinin
özfəaliyyət kollektivləri
geniş konsert proqramı ilə çıxış ediblər.
Masallı rayon
Mərkəzi Kitabxanasında
“Vətənin sərhədləri
etibarlı əllərdədir”
mövzusunda tədbir
keçirilib. Çıxışlarda
əlamətdar günün
tarixi haqqında məlumat verilib. Qeyd olunub ki,
Prezident Heydər Əliyevin 2000-ci il 16 avqust tarixli sərəncamı ilə
avqustun 18-i “Azərbaycan
Respublikasının sərhəd
mühafizə orqanları
əməkdaşlarının peşə bayramı günü” elan edilib.
Cəlilabad rayon Mədəniyyət Mərkəzi, Göytəpə şəhər, Seyidbazar kənd Mədəniyyət evlərinin, 3 və 4 saylı şəhər klublarının birgə təşkilatçılığı ilə Göytəpə şəhərinki N saylı hərbi hissədə konsert proqramı keçirilib. Konsertdə əsgər və zabitlərin, qonaqların zövqünü oxşayan rəngarəng musiqi nömrələri ifa olunub.
Mədəniyyət.-
2023.- 23 avqust.- S.4.