Qarabağ və Şuşa rənglərin işığında

Muzey Mərkəzində qrup sərgisi keçiriləcək

Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə mayın 19-da Muzey Mərkəzinin sərgi salonunda rəssamların “Şuşa” adlı qrup sərgisi keçiriləcək.

Sərgi qədim Qarabağın, Şuşa şəhərinin illər öncəki və bugünkü vəziyyətini geniş tamaşaçı kütləsinə təqdim etmək, doğma yurdun gözəlliklərinə korifey və müasir rəssamların gözü ilə nəzər yetirmək imkanı yaratmaq məqsədilə reallaşacaq.

Sərginin ekspozisiyasında 30-a yaxın rəssam və heykəltəraşın müxtəlif üslub və texnikalarda işlənmiş 40-a yaxın rəngkarlıq, heykəltəraşlıq nümunələri, o cümlədən Dövlət Rəsm Qalereyasının fondundan seçilmiş əsərlər nümayiş olunacaq.

L.Azəri

Mədəniyyət.- 2023.- 5 may.- S.3.