Xınalıqda turizm infrastrukturu
yaxşılaşdırılır
Evləri təmir olunan
sakinlərlə görüş keçirilib
Dövlət Turizm Agentliyinin (DTA) sədri Fuad Nağıyev mayın 16-da Qubanın Xınalıq kəndində vətəndaşlarla görüşüb. DTA-dan bildirilib ki, kənddə turizm infrastrukturunun yaxşılaşdırılması və evlərin təmir-bərpası ilə bağlı keçirilən görüşdə sakinlərin fikirləri dinlənilib, müvafiq tapşırıqlar verilib.
Prezident İlham Əliyevin müvafiq tapşırığı çərçivəsində DTA tərəfindən “Xınalıq” Dövlət Tarix-Memarlıq və Etnoqrafiya Qoruğunda işlər davam edir. Dəniz səviyyəsindən 2100-2200 metr yüksəklikdəki kənddə ümumilikdə ən təhlükəli vəziyyətdə olan 60 evin təmir-bərpası ilə bağlı layihələndirmə işləri aparılaraq ekspertizadan keçirilib. 2021-ci ildə qəzalı vəziyyətdə olan 16 evdə təmir-bərpa işləri aparılıb. 2022-ci ildə təmir və bərpasına başlanılan 11 evdən 7-si üzrə işlərin böyük hissəsi tamamlanıb, 4 ev üzrə isə hava şəraitinə görə işlər dayandırılıb. 2023-cü ildə isə yarımçıq qalmış evlərin təmiri və əlavə olaraq 14 evin bərpası üçün hazırlıqlara başlanılıb. Bu mərhələdə ümumilikdə 44 evin 2024-cü ilin sonuna qədər yekunlaşdırılması nəzərdə tutulur.
Onu da qeyd edək
ki, ötən il
Xınalıq və ətraf kəndlərdə yaşayan əhalinin qədim zamanlardan
qorunub saxlanılan köçəri mədəniyyəti
və onun ümumbəşəri dəyərləri
təsvir olunan “Xınalıq və “Köç Yolu”nun mədəni landşaftı” adlı nominasiya sənədi Dünya
İrs Siyahısına daxil
edilməsi üçün UNESCO-nun Dünya İrs Komitəsinə təqdim olunub.
Mədəniyyət.- 2023.- 19 may.- S.4.