“Molla Nəsrəddin” hərbçilər qarşısında

Füzuli Dövlət Dram Teatrının cari repertuarına yeni daxil olan “Molla Nəsrəddin” tamaşası N saylı hərbi hissədə əsgər və zabit heyəti üçün nümayiş olunub.

Dramaturq Xaqani Əliyevin eyniadlı pyesi əsasında hazırlanan tamaşanın quruluşçu rejissoru Nicat Mirzəzadə, quruluşçu rəssamı Ellinaz Balaşova, musiqi tərtibatçısı Ziyad Süleymanzadədir. Rolları Sehran Xanlarov, İntizar Quliyeva, Asif Şirinov, Qaçaq Qarayev, Əli Hüseynov, Sevinc Məmmədova, Şəlalə Nəsirova, Elçin Məmmədov, Vüqar Babayev, Emin Abışov, Vüsal Həsənov və başqaları ifa edirlər.

Molla Nəsrəddinin evlənmə hekayəsindən bəhs edən şən musiqilər, rəqslərlə zəngin tamaşada maraqlı və gülməli hadisələr bir-birini əvəz edir.

Mədəniyyət.- 2023.- 18 oktyabr.- S.5.