Türk diplomatiyasının
500 illiyi qeyd olunub
Oktyabrın 16-da AMEA və Türkiyənin Azərbaycandakı Səfirliyinin
təşkilatçılığı ilə “500 illik uğurlu diplomatiya: keçmişdən bu günə Türk Xarici İşlər Təşkilatı” mövzusunda
panel və sərgi keçirilib.
Əvvəlcə Türkiyə diplomatiyasının
(Osmanlı və Cümhuriyyət dövrü)
500 illiyinə həsr
olunmuş sərgiyə
baxış keçirilib.
AMEA-nın prezidenti
akademik İsa Həbibbəyli qeyd edib ki, konfrans
qardaş Türkiyənin,
onun diplomatiyasının
keçdiyi inkişaf
yolunu xalqımıza daha da dərindən
tanıtmağa xidmət
edir.
Türkiyənin Azərbaycandakı səfiri
Cahit Bağcı tədbirin bir əsr öncə Birinci Türkoloji Qurultayın keçirildiyi
bu salonda baş tutmasının tarixi əhəmiyyəti olduğunu deyib və AMEA rəhbərliyinə
minnətdarlığını bildirib.
Prezident İlham
Əliyev tərəfindən
Xankəndidə, Xocalıda
Azərbaycan bayrağının
ucaldılması münasibətilə
xalqımızı təbrik
edən səfir Cahit Bağcı bu tarixi hadisəni
bütün Türk dünyasının həsrətlə
gözlədiyini söyləyib.
Qeyd edib ki, Xankəndidə və Xocalıda yüksəldilən Azərbaycan
bayrağı heç
vaxt enməyəcək.
Daha sonra panel iclasları keçirilib.
Mədəniyyət.-
2023.- 18 oktyabr.- S.6.