Mənəvi-əxlaqi
zənginliyin fərəhi
Yerlərdə Ramazan bayramı
Uca Yaradan qarşısında vicdani borc və vəzifələrini
ləyaqətlə yerinə yetirmək, mənəvi-əxlaqi
zənginliyin fərəhini yaşamaq fürsəti verən
mübarək Ramazan ayı başa çatdı. Ramazan
bayramı yerlərdəki mədəniyyət müəssisələri
tərəfindən də çeşidli tədbirlərlə
qeyd olundu.
Dağlıq Şirvan RMİ-nin rəis müavini
Əlisultan Sadıxov, Mədəniyyət İşçiləri
Həmkarlar İttifaqı İsmayıllı rayon komitəsinin
sədri Gülər Abdullayeva, İsmayıllı rayon mədəniyyət
müəssisələrinin rəhbərləri müqəddəs
Ramazan bayramı münasibətilə şəhidlər Təyyar
Mahmudov, Natiq Abdullayev, Elnur Səmədov və Orxan Lətifovun
ailələrini ziyarət ediblər.
Şəhidlərin valideynləri və
yaxınları ilə keçirilmiş görüş
zamanı qəhrəmanların döyüş yolu
haqqında ətraflı məlumat verilib, Vətən
uğrunda həlak olmuş şəhidlərimizin xatirəsi
yad edilib.
Görüşlərdə dövlət tərəfindən
şəhid ailələrinə göstərilən yüksək
diqqət və qayğıdan söz açılıb, bu ailələrə
mənəvi dəstək göstərilməsinin hər
birimizin müqəddəs vətəndaşlıq borcu
olduğu bildirilib.
***
Şəki şəhər 2 nömrəli Uşaq
musiqi məktəbinin kollektivi Ramazan bayramı münasibətilə
şəhid ailələrini ziyarət edib.
Kollektivin üzvləri şəhid Aqşin Abdullayev,
Elnur Nurullayev və Orxan Hümmətovun ailələri ilə
görüşərək onların xatirələrini dinləyib,
qəhrəmanlara həsr olunmuş fotosərgilərə
baxıblar.
***
Lənkəran şəhər Mərkəzi
Kitabxanasının kollektivi şəhid baş leytenant Mais
Abbasovun ailəsini ziyarət edib. Kitabxananın direktor əvəzi
Arzuyə Rufullayeva Ramazan bayramı münasibətilə şəhidin
ailə üzvlərini təbrik edib. Sonra Mais Abbasovun
keçdiyi döyüş yolundan, göstərdiyi qəhrəmanlıqlardan
söhbət açılıb. Şəhid anası Zahirə
Abbasova Prezident İlham Əliyevə və Birinci vitse-prezident
Mehriban xanım Əliyevaya şəhid ailələrinə və
qazilərə göstərdikləri diqqətə görə
minnətdarlığını bildirib.
Cəlilabad rayon Günəşli kənd Mədəniyyət
evinin əməkdaşları Vətən müharibəsinin
şəhid baş leytenatı Elçin Ağayevin ailəsini
ziyarət ediblər. Mədəniyyət nümayəndələri
əvvəlcə şəhidin məzarını ziyarət
edərək xatirəsini ehtiramla anıblar. Şəhidin ailəsini
ziyarət zamanı qəhrəmanın döyüş
yolundan söhbət açılıb, əməkdaşlar
ailənin qayğıları ilə maraqlanıblar.
Yardımlı rayon Mərkəzi Kitabxanasında
“Milli-mənəvi dəyərlərimiz” mövzusunda dəyirmi
masa təşkil edilib. Çıxışlarda qeyd olunub ki,
Ramazan ayı insanların qəlbini və təfəkkürünü
nurlandıran, onları əmin-amanlığa, vəhdətə,
əxlaqi saflığa dəvət edən mübarək
aylardandır. Müsəlmanlar bu ayda Allah və din
qarşısında borclarını yerinə yetirmək
fürsəti əldə edir, xeyirxah əməllərin,
şəfqət və mərhəmət
duyğularının fərəhini, mənəvi-ruhi
kamilliyin nəfs üzərində qələbə sevincini
yaşayırlar.
Tədbirin sonunda “Dövlət və din”
başlığı altında kitab və digər çap məhsullarının
sərgisi reallaşıb.
***
Zəngilan rayon Mədəniyyət evi, kənd klubu,
rayon Bartaz kənd Uşaq musiqi məktəbi və Mincivan qəsəbə
Uşaq musiqi məktəbinin birgə təşkilatçılığı
ilə “11 ayın sultanı” adlı konsert keçirilib.
Əvvəlcə Zəngilan rayon Mədəniyyət
evinin direktoru Zeynəb Bağır çıxış edərək
Ramazan bayramı münasibətilə bütün tədbir
iştirakçılarını səmimi-qəlbdən təbrik
edib, tutulan orucların və edilən duaların qəbul
olmasını diləyib.
Sonra Mincivan qəsəbə Uşaq musiqi məktəbinin
müəllim və şagird kollektivi tərəfindən
maraqlı konsert proqramı təqdim edilib.
Proqramda milli və xarici bəstəkarların
yaradıcılığına müraciət olunub. Həmçinin
görkəmli bəstəkar, Xalq artisti Süleyman Ələsgərovun
100 illiyi münasibətilə onun
yaradıcılığından nümunələr səsləndirilib.
Mədəniyyət.- 2024.- 17 aprel, ¹27-28.- S.4.