Yubiley, konsert, tamaşa, maarifləndirici
tədbir...
Quba-Xaçmaz Regional Mədəniyyət İdarəsinin
(RMİ) təşkilatçılığı ilə Quba
rayon MKS Mərkəzi Kitabxananın abonement bölməsinin
fondunda tanınmış şair, tərcüməçi
İlyas Tapdığın (1934–2016) 90 illik yubileyinə həsr
olunmuş “Ustad haqqı qazanmış şair” adlı tədbir
keçirilib. Çıxış edənlər bildirib ki,
İlyas Tapdıq Azərbaycan poeziyasında söz fədaisi
idi. Onun uşaq və böyüklər üçün 40-a
yaxın kitabı çap olunub. Kitabxananın fəal
oxucuları şairin yaradıcılığından nümunələr
səsləndiriblər.
***
Xaçmaz şəhər Uşaq incəsənət
məktəbində görkəmli bəstəkarlar Tofiq
Quliyev (1917-2000) və Fikrət Əmirovun (1922-1984)
yaradıcılığına həsr edilmiş konsert
proqramı keçirilib. Məktəbin müəllim və
şagird kollektivi bəstəkarların əsərlərindən
ibarət maraqlı musiqi nömrələri ilə
çıxış ediblər.
***
Şəki və Zaqatala rayon Heydər Əliyev mərkəzlərində,
həmçinin Qəbələ rayon Mədəniyyət Mərkəzində
“Media savadlılığı” adlı konfrans keçirilib.
Çıxışlarda medianın mədəniyyət sahəsindəki
rolu vurğulanıb. Konfransın sonunda əməkdaşların
sualları cavablandırılıb, tövsiyələr
verilib.
***
Qazax rayon MKS-nin Elmar Hüseynov adına Mərkəzi
Kitabxanasında Naxçıvan Muxtar Respublikasının 100
illiyi ilə bağlı hazırlanan “Ulu yurdum
Naxçıvan” adlı videoçarx nümayiş etdirilib.
Videoçarxda Naxçıvanın tarixi, mədəniyyəti,
abidələri, Azərbaycanın hər sahədə tərəqqisinə
töhfələr vermiş görkəmli şəxsiyyətləri
haqqında məlumatlar yer alıb.
***
Ağdam rayon Mədəniyyət Mərkəzinin
tabeliyində fəaliyyət göstərən
Qaradağlı kənd Mədəniyyət evində narkomaniya
və narkobiznesə qarşı mübarizə ilə əlaqədar
“Narkomaniya əsrin bəlasıdır” adlı tədbir
keçirilib. Narkomaniyanın törətdiyi fəsadlar və
ona qarşı mübarizə yolları haqqında
danışılıb.
***
Kəlbəcər rayon MKS-nin təşkilatçılığı
ilə 1 nömrəli şəhər kitabxana filialı (Gəncə
şəhəri) “2015–2025-ci illərdə Azərbaycan Gənclərinin
İnkişaf Strategiyası”na
uyğun olaraq, “Gənclik bir millətin yaşaması,
inkişafı üçün təməl
daşıdır” başlığı altında tədbir
keçirilib. Çıxışlarda ölkəmizdə həyata
keçirilən gənclər siyasətindən söz
açılıb, mövzu ilə bağlı videoçarx
nümayiş olunub.
***
Şirvan şəhər Mərkəzi
Kitabxanasında “Ziyalı qadınların
işığında” adlı görüş keçirilib.
Qeyd olunub ki, cəmiyyətin inkişafına töhfələr
verən, elm sahəsində xüsusi xidmətləri olan alim
və ziyalılarla görüşüb həmsöhbət
olmaq xüsusi əhəmiyyət kəsb edir.
***
Şirvan Tarix-Diyarşünaslıq Muzeyi, şəhər
Uşaq musiqi məktəbi və Təhsil sektorunun birgə təşkilatçılığı
ilə “Könül mülkünün sultanı Məhəmməd
Füzuli” adlı tədbir keçirilib.
Çıxış edənlər M.Füzulinin Azərbaycan ədəbi-bədii
fikrinin inkişafında müstəsna yerindən
danışıblar. Uşaq musiqi məktəbinin müəllim
və şagirdlərinin ifasında şairin qəzəllərinə
bəstələnmiş musiqi nömrələri səsləndirilib,
yaradıcılığından seçmə nümunələr
təqdim olunub.
***
Yardımlı rayon Mərkəzi Kitabxanasında “Erkən
nikaha yox deyək!” mövzusunda tədbir keçirilib.
Bildirilib ki, bu gün erkən nikah aktual problemlərdən
biridir. Erkən yaşda qızların ailə həyatı
qurmağa məcbur edilməsi onların təhsilinə, bir fərd
kimi inkişafına mane olur.
***
Sumqayıtdakı Gənclər Kitabxanasında
Əziz Əliyev adına Tibb Kollecinin müəllim və
şagird heyətinin iştirakı ilə “Dünya
QİÇS-lə Mübarizə Günü”nə həsr
olunmuş dəyirmi masa keçirilib. Tədbirdə
kitabxananın müdir vəzifəsini icra edən Leyla
Mahmudova, şəhər Narkoloji Dispanserin həkimi Vüsal
Cabbarov, Tibb Kollecinin müəllimi həkim- infeksionist Ofeliya
Əhmədova çıxış ediblər.
***
Azərbaycan, Tatarıstan (RF), Ukrayna, Özbəkistan
və Tacikistanın sirk ustalarından ibarət olan “Fantaziya” səyyar
sirki Astara rayon Mədəniyyət Mərkəzində məktəblilərin
qonağı olub. Kollektivin şən klounlar,
illüziyaçı, jonqlyor və akrobatlar, eləcə də
əhliləşdirilmiş heyvanlarla göstərdiyi
şou-proqram uşaqlar tərəfindən böyük maraqla
qarşılanıb.
***
Cəlilabad rayon Heydər Əliyev Mərkəzində
Vətən müharibəsinin şəhid baş
leytenantı Əmrah Hüseynlinin xatirəsinə həsr
olunmuş tamaşa nümayiş olunub.
Cəlilabad Xalq teatrının təqdim etdiyi
tamaşada Vətən müharibəsində əsgər və
zabitlərimizin igidliyi ifadə olunub.
Nümayişdən sonra icra başçısı
Rafiq Cəlilov, şəhidin anası Yeganə Hüseynova və
Lənkəran-Astara RMİ-nin rəisi Bəxtiyar
Qılıncov çıxış ediblər.
Ə.Hüseynlinin həyatından, döyüş yolundan və
göstərdiyi qəhrəmanlıqdan söz
açılıb.
***
Ağstafa şəhər Hüseyn Arif adına
Uşaq musiqi məktəbində görkəmli bəstəkar
Fikrət Əmirovun anadan olmasının 102-ci
ildönümü münasibətilə tədbir
keçirilib. Məktəbin müəllim və şagirdlərinin
ifasında bəstəkarın bir sıra əsərləri səsləndirilib.
N.Məmmədli
Mədəniyyət .- 2024.- 4 dekabr(¹89-90).- S.4.