“Füzuli dühası” – poeziya gecəsi

Salyan rayon Mədəniyyət Mərkəzinin təşkilatçılığı ilə “Füzuli dühası” adlı poeziya gecəsi keçirilib. Böyük Azərbaycan şairi Məhəmməd Füzulinin (1494-1556) 530 illiyinə həsr olunan gecədə Şirvan-Salyan RMİ-nin rəisi Şahin Şahbazov, Salyan Rayon İcra Hakimiyyətinin nümayəndəsi Məhərrəm Məmmədov, Xalq rəssamı Əşrəf Heybətov, YAP Salyan rayon təşkilatının sədri Elmar Əhmədov, mədəniyyət müəssisələrinin rəhbərləri, yazar və ictimaiyyət nümayəndələri iştirak ediblər.

Tədbirdə Məhəmməd Füzulinin qəzəlləri səsləndirilib, sözlərinə bəstələnən mahnılar ifa olunub, kompozisiyalar təqdim edilib.

Sonda çıxış edən idarə rəisi Şahin Şahbazov, Salyan rayon Mədəniyyət Mərkəzinin direktoru Ramil Bayramov və YAP Salyan rayon təşkilatının sədri Elmar Əhmədov tədbirin ərsəyə gəlməsində əməyi keçən hər kəsə təşəkkürünü bildiriblər.

Mədəniyyət .- 2024.- 13 dekabr(№92-93).- S.4.