IV Azərbaycan Vokalçıları Festivalı keçiriləcək

Mədəniyyət Nazirliyinin dəstəyi, Azərbaycan Dövlət Akademik Opera və Balet Teatrının və “Bülbül vokal məktəbi”nin təşkilatçılığı ilə 20–24 dekabr tarixlərində IV Azərbaycan Vokalçıları Festivalı keçiriləcək.

Layihə çərçivəsində Azərbaycan Milli Konservatoriyasının müəllim və tələbələrinin iştirakı ilə konsert və elmi seminar, Xalq artisti, tanınmış opera müğənnisi Şahlar Quliyevin (1946–2024) xatirəsinə həsr olunmuş konsert, Fikrət Əmirov adına Gəncə Dövlət Filarmoniyasında Xalq artisti Sevinc İbrahimovanın solo konserti, eləcə də kamera musiqisi və rus bəstəkarlarının ariya və romanslarından ibarət konsertlər nəzərdə tutulur.

Festivalın bağlanış mərasimi dekabrın 24-də Müslüm Maqomayev adına Azərbaycan Dövlət Akademik Filarmoniyasında keçiriləcək. Tədbir Azərbaycan vokal sənətinin parlaq simalarını bir araya gətirəcək.

Mədəniyyət .- 2024.- 13 dekabr(№92-93).- S.5.