Füzulinin 530 illiyinə həsr edilmiş konsert-kompozisiya

Azərbaycan Dövlət Mədəniyyət və İncəsənət Universiteti (ADMİU) Musiqi sənəti fakültəsinin təşkilatçılığı ilə Beynəlxalq Muğam Mərkəzində dahi Azərbaycan şairi Məhəmməd Füzulinin 530 illik yubileyinə həsr edilmiş “Vətənimdir, vətənim...” konsert-kompozisiyası təqdim olunub.

Tədbirin aparıcısı Azərbaycan Yazıçılar Birliyinin katibi İlqar Fəhmi qeyd edib ki, Füzuli sözünün işığı beş əsrdir ki, dünya ədəbiyyatını aydınladır.

Gecədə Xalq artisti, ADMİU-nun Muğam sənəti kafedrasının müdiri Teyyub Aslanov, Əməkdar artist Zakir Əliyev, Ramil Hümbətov və Vüsal Qasımov şairin qəzəlləri ilə muğam parçaları ifa ediblər. Xanəndələri Əməkdar artistlər Əliağa Sədiyev (tar), Toğrul Əsədullayev (kamança), Şirzad Fətəliyev (balaban) və Kamran Kərimovun (nağara) yer aldığı “Xarıbülbül” muğam qrupu müşayiət edib.

Mədəniyyət .- 2024.-20 dekabr(№94-95).- S.1.