Şuşa bu il həm də İslam ölkələrinin “Gənclər Paytaxtı”dır

2023-cü ilin oktyabr ayında İslam Əməkdaşlıq Təşkilatı (İƏT) Gənclər Forumunun İcraiyyə Şurasının 11-ci iclasında Azərbaycanın Şuşa şəhəri 2024-cü il üçün İƏT-in “Gənclər Paytaxtı” elan olunmuşdu.

İyunun 4-də İslam ölkələrinin ötənilki “Gənclər paytaxtı” olmuş Kazan şəhəri (Tatarıstan, RF) adından bu missiyanın simvolik açarı Şuşa şəhərinə təhvil verilib.

Mərasimdə Şuşa – İƏT “Gənclər Paytaxtı”nın loqosu təqdim olunub.

Sonra qonaqlar konsert proqramını izləyiblər.

Qeyd edək ki, Şuşada “İslam Əməkdaşlıq Təşkilatının Gənclər Paytaxtı – 2024” tədbirlərinə start verilib. 3–6 iyun tarixlərini əhatə edən proqrama “Beynəlxalq Liderlik və Diplomatiya Konfransı”, “NexGen: Sosial İnnovasiyalar Forumu”, “Sülh və harmoniya üçün İslam Gənclərinin Danışıqları“ adlı tədbirlər daxildir. O cümlədən mədəni, təhsil, əyləncə, sosial, idman, mədəniyyətlərarası dialoq, gənclərin liderliyi və bacarıqların artırılması mövzularında layihələr təşkil olunacaq.

Mədəniyyət.- 2024.- 5 iyun,№41.- S.2.