Milli Kitabxanada yubilyar ədiblərlə
bağlı sərgilər
M.F.Axundzadə adına Azərbaycan Milli
Kitabxanasında bu il yubileyləri qeyd olunan tanınmış ədiblərə
həsr edilmiş sərgilər açılıb.
Xalq yazıçısı, ədəbiyyatşünas,
pedaqoq, ictimai xadim İsmayıl Şıxlının
(1919–1995) anadan olmasının 105 illiyi münasibətilə təşkil
edilən sərgidə müəllifin əsərləri,
dünya ədəbiyyatından tərcümələri, tərtib
və redaktə etdiyi kitablar, haqqında yazılmış Azərbaycan
və müxtəlif dillərdə ədəbiyyatlar
nümayiş olunub.
***
Görkəmli şair-dramaturq, mədəniyyət
xadimi Cəfər Cabbarlının (1899–1934) 125 illiyinə həsr
olunan sərgidə müəllifin əsərləri, tərcümələri,
həyat və yaradıcılığı haqqında Azərbaycan
və xarici dillərdə kitablar yer alıb.
***
Xalq yazıçısı, nasir, dramaturq, ədəbi
tənqidçi, tərcüməçi Mehdi Hüseynin
(1909–1965) 115 illiyi münasibətilə təşkil edilən
sərgidə ədibin əsərləri, dünya ədəbiyyatından
tərcümələri və redaktə etdiyi, haqqında
yazılmış kitablar nümayiş olunub.
***
Kitabxanada görkəmli pedaqoq, maarifçi, şair və
yazıçı Məhəmməd Tağı Sidqinin
(1854–1903) 170 illik yubileyi münasibətilə də sərgi təşkil
olunub. Sərgidə ədibin əsərləri, həyatı,
pedaqoji fəaliyyəti haqqında, Azərbaycan ədəbi və
maarifçi fikrin inkişafına verdiyi töhfələrdən
bəhs edən ədəbiyyatlar yer alıb.