“Bir kərə
yüksələn bayraq bir daha enməz!”
Mayın 23-də Cəfər Cabbarlı adına Azərbaycan
Dövlət Teatr Muzeyi və 1 nömrəli Uşaq-gənclər
inkişaf mərkəzinin birgə təşkilatçılığı
ilə 28 May – Müstəqillik Gününə həsr
olunmuş “Bir kərə yüksələn bayraq bir daha enməz!”
adlı tədbir keçirilib.
Muzeydə təşkil olunan tədbirdə Dövlət
himni səsləndirilib, şəhidlərimizin əziz xatirəsi
bir dəqiqəlik sükutla yad edilib.
Azərbaycanın müstəqillik tarixindən bəhs
edən məruzə dinlənilib, mövzu ilə bağlı
videoçarx nümayiş olunub.
Tədbirin bədii hissəsində 1 nömrəli
Uşaq-gənclər inkişaf mərkəzinin dərnək
üzvləri şeirlər söyləyib, görkəmli
dramaturq Cəfər Cabbarlının “Ədirnə fəthi” əsərindən
səhnəcik göstəriblər. Vətənpərvərlik
mövzusunda musiqi nümunələri səsləndirilib.