“Bülbülün qonaqları” – Səid Rüstəmov yad edilib

Bülbülün Memorial Muzeyinin təqdim etdiyi “Bülbülün qonaqları” layihəsi çərçivəsində növbəti tədbir keçirilib. Bu dəfə Azərbaycan bəstəkarlıq məktəbinin görkəmli nümayəndəsi, Xalq artisti Səid Rüstəmov (1907–1983) yad edilib.

Muzeyin direktoru Fərqanə Cabbarova Bülbül və Səid Rüstəmovun yaradıcılıq əlaqələrindən danışıb. Səid Rüstəmovun 1932ci ildə Bülbülün yaratdığı ElmiTədqiqat Musiqi Kabinetindəki fəaliyyətindən, xalq mahnı və rəqslərinin, aşıq mahnılarının nota köçürülməsində göstərdiyi xidmətlərdən bəhs edilib.

Bəstəkarın adını daşıyan 13 nömrəli Uşaq musiqi məktəbinin şagirdləri və “Bülbül vokal məktəbi” tələbələrinin iştirakı ilə Səid Rüstəmovun “İntizar”, “Alagöz”, “Hardasan?”, “Bahar olsun”, “Oxu, tar!”, “Qurban adına”, “Sərhədçilər marşı” və s. əsərləri səsləndirilib.

Qeyd edək ki, layihə üzrə bundan əvvəl bəstəkarlar Süleyman Ələsgərov, Qara Qarayev və yazıçı Məmməd Səid Ordubadi yad olunmuşdu.

Mədəniyyət.- 2024.- 31 may, №40.- S.3.