Müstəqillik Gününə həsr
olunmuş sənət hesabatı
Mayın 29-da Milli Konservatoriyanın konsert salonunda Fikrət
Əmirov adına 6 nömrəli Uşaq incəsənət məktəbinin
28 May – Müstəqillik Gününə həsr olunmuş
hesabat konserti keçirildi.
Konsertdən əvvəl məktəbin fəaliyyəti
və son illərdə qazanılan uğurlardan söz
açıldı. Diqqətə çatdırıldı ki,
hesabat tədbirində ilk dəfə məktəbin rəssamlıq
şöbəsi şagirdlərinin heykəltaraşlıq
işləri də təqdim olunur.
Daha sonra səhnə şagirdlərin ixtiyarına
verildi. Azərbaycan və xarici ölkə bəstəkarlarının
əsərləri səsləndi. Məktəbin “Odlar yurdu” rəqs
ansamblının ifası ilə başlanan konsertin
davamını şagirdlərin fortepiano, kamança, tar,
fleyta, qarmon, violin alətlərində ifaları bəzədi.
Xoreoqrafik nömrələr, birbirindən fərqli ifalar
tamaşaçıların alqışları ilə
qarşılandı. Konsert məktəbin xor qrupunun
ifasında Azər Dadaşovun “And yerimiz” və Qara Qarayevin
“Sülh haqqında mahnı”sı ilə yekunlaşdı.
Sonda Bakı Şəhər Mədəniyyət
Baş İdarəsinin rəisi İbrahim Əliyev, Milli
Konservatoriyanın prorektoru Lalə Hüseynova və məktəbin
direktoru Adilə Yusifova səhnəyə çıxaraq
uşaqları uğurlu çıxışları
münasibətilə təbrik etdilər, yeni uğurlar
arzuladılar.
Lalə