“Şəhid bayrağı” səhnədə

Zəfərimizin 4-cü ildönümü münasibətilə hazırlanan səhnə nümunələri sırasına biri də əlavə olunub.

Lənkəran Dövlət Dram Teatrında yerli müəllif Qafar Cəfərlinin “Şəhid bayrağı” pyesi əsasında hazırlanan tamaşa teatrsevərlərin ixtiyarına verilib.

Noyabrın 7-də premyerası gerçəkləşən səhnə əsərinin quruluşçu rejissoru Emil Əskərov, quruluşçu rəssamı Tərlan Sadıqov, musiqi tərtibatçısı Vüqar Fərəcov, rejissor assistenti Nuranə Nəcəfovadır.

Hərbi-vətənpərvərlik mövzulu birhissəli tamaşada rolları Əməkdar artist Sucəddin Mirzəyev, Prezident mükafatçısı Aynur Əhmədova, aktyorlar Miraslan Ağayev, Allahverən Babayev, Təranə Fərəcova, Buludxan Buludov, Saleh Əzimzadə, Məleykə Cəfərova, Zeynal Məmmədli ifa edirlər.

Mədəniyyət .- 2024.- 15 noyabr,№(84-85).- S.3.