Sərgi, müsabiqə,
ekoloji aksiya...
“Yaşıl dünya naminə həmrəylik ili”
çərçivəsində Lənkəran şəhər
Mədəniyyət Mərkəzi və tabe müəssisələrin
əməkdaşlarının iştirakı ilə ağacəkmə
aksiyası keçirilib. Aksiyanın məqsədi
yaşıllıqların artırılmasını, ekoloji
tarazlığın qorunmasını təşviq etməklə
ətraf mühitin və sağlamlaşdırılmasına
töhfə verməkdir.
***
Balakən rayon Mədəniyyət Mərkəzində
“Məni tanıyın” adlı müsabiqə keçirilib.
İncəsənətin bir sıra sahələrini (mahnı,
rəqs, rəsm, bədii qiraət, instrumental ifa və s.) əhatə
edən müsabiqədə 48 yeniyetmə və gənc
iştirak edib. Fərqlənənlərə diplomlar təqdim
olunub.
***
Ağdam rayon MKS-də “Yaşıl dünyamız”
adlı tədbir keçirilib. Azərbaycanın COP29-a ev
sahibliyi etməsinin əhəmiyyəti vurğulanıb.
COP29-a aid videoçarx nümayiş olunub. Sonda ağacəkmə
aksiyası keçirilib.
***
Biləsuvar rayon Heydər Əliyev parkında sərgi-plener
təşkil edilib. Tədbir Biləsuvar Dövlət Rəsm
Qalereyası və Heydər Əliyev Mərkəzinin birgə
əməkdaşlığı ilə həyata
keçirilib. Şirvan-Salyan RMİ-nin rəisi Şahin
Şahbazov sərgilənən əsərlərlə
tanış olub. Tədbirdə gənc rəssamlar Heydər
Əliyev parkının mənzərələrini
kağız və kətan üzərinə
köçürüblər.