Gəncəli kuklaçıların yeni tamaşası

Gəncə Dövlət Kukla Teatrında alman xalq nağılı əsasında “Üç donuz balası” tamaşasının məşqlərinə başlanılıb.

Tamaşaya Əməkdar artist Fərmail Paşayev quruluş verir, quruluşçu rəssam Məhəmməd Hacıyevdir.

Personajları Elmar Vəliyev (Naf-naf), Zülfiyyə Əliyeva, Saleh Cümşüdlü (Nuf-nuf), Nərmin Şərifova, Yeganə Məmmədova (Nif-nif), Nahidə Namazova (Qarğa), Səməd Xanəhmədov (Canavar) canlandırırlar.

Uşaqlara zəhmətsevərlik və mübarizə əzmi aşılayan birhissəli kukla tamaşası ilin sonunadək teatrsevərlərə təqdim olunacaq.

Mədəniyyət.- 2024.- 11 oktyabr(№76).- S.4.