Beyləqanda bədii qiraət ustası ilə görüş

Beyləqan rayon Mədəniyyət Mərkəzində rayon İcra Hakimiyyətinin təşəbbüsü və mədəniyyət müəssisələrinin təşkilatçılığı ilə tanınmış bədii qiraətçi, Əməkdar artist Ağalar Bayramovla görüş keçirilib.

İcra başçısı Əziz Əzizov və digər çıxış edənlər Ağalar Bayramovun yaradıcılıq yolundan söz açıblar. Sənətkara İcra Hakimiyyətinin fəxri diplom və xatirə hədiyyələri təqdim olunub.

Ağalar Bayramov görüşün təşkilində əməyi keçən və onun yaradıcılığına yüksək dəyər verənlərə minnətdarlığını bildirib, tanınmış şairlərin şeirlərini söyləyib. Qiraət olunan poeziya nümunələri və musiqi nömrələri tədbirə xüsusi rəng qatıb.

Mədəniyyət .- 2024.- 25 oktyabr(№79-80).- S.4.