“Cavid ömrü” filmi Moskvada

Xalq yazıçısı Anarın ssenarisi əsasında çəkilmiş “Cavid ömrü” bədii filmi Moskvadakı Azərbaycan diasporunda nümayiş olunub.

Filmin təqdimatı, həmçinin Anar və filmin rejissoru Ramiz Həsənoğlu ilə görüş Azərbaycanın Rusiyadakı səfirliyi yanında fəaliyyət göstərən Azərbaycan Mədəniyyət Mərkəzində keçirilib.

Bundan əlavə, xalq yazıçısına həsr olunmuş “Anarın anları” sənədli filmi nümayiş olunub.

Təqdimat Anarın 2008-ci ildə qeyd olunmuş 70 illik yubileyi çərçivəsində keçirilib.

Mərkəzdə həmçinin Anarın son illər ərzində Moskva, Türkiyə və Bakıda işıq üzü görmüş kitablarının sərgisi təşkil edilib.  

Turan

Mədəniyyət.- 2009.- 25 fevral.- S. 9.