Mən dünən ən kövrək nağıl dinlədim

(Şəfəq Oruc qızı Qurbanovaya)

(İxtisarla)

Hərdən xəyallara dönüb dalıram,

Atlar dırnağında torpaq qopardı

Hər gələn özüylə nağıl gətirdi,

Hər gedən özüylə nağıl apardı.

Fəsillər dolanıb keçdi an kimi

Mat qaldıq zamanın quş qanadına.

Elə bil qocaldıq doğulan kimi,

Nələr yazılmadı ömrün yadına.

Kimsə keçmişiylə öyünməyirsə,

Onda mənası yox bu həyatın da.

İsti duyğularda döyünməyirsə,

Ürək ürək deyil, köksün altında.

Taleh Həmid

Mədəniyyət.- 2009.- 6 may.- S. 8.