"Qızıl Kəlmə"
Ədəbi Mükafatının
qalibləri elan edilib
Azərbaycan
Respublikası Mədəniyyət və Turizm Nazirliyinin qərarı
ilə yaradılan "Qızıl Kəlmə" Ədəbi
Mükafatı komissiyası Ümummilli liderimiz Heydər Əliyevin
anadan olmasının 86-cı ildönümü ərəfəsində
2008-2009-cu illər üzrə qalibləri elan etmişdir. Müsabiqə
4 nominasiya üzrə təqdim olunmuş 38 əsər
arasında keçirilmişdir. Komissiya üzvlərinin yekdil
qərarı ilə Qaliblər müəyyən edilmişdir:
Hüseynbala Mirələmov
- ədəbi tənqid və publisistika əsərləri
nominasiyası üzrə "Görkəmli adamların həyatı"
seriyasından "Heydər Əliyev" kitabına görə
Aqil Abbas - nəsr əsərləri
nominasiyası üzrə "Dolu" romanına görə
Elçin Hüseynbəyli
- nəsr əsərləri nominasiyası üzrə "On
üçüncü həvari - Don Juan" kitabına
görə
Zakir Fəxri - poeziya əsərləri
nominasiyası üzrə "Qalmaz belə, qalmaz
dünya" kitabına görə
Taleh Həmid - poeziya əsərləri
nominasiyası üzrə 4 cildlik kitabının 1-ci və
2-ci cildlərinə görə
Saday Budaqlı -
orijinaldan bədii tərcümə əsərləri
nominasiyası üzrə Mixail Bulqakovun "Master və
Marqarita" romanının tərcüməsinə görə
Məmməd Oruc -
orijinaldan bədii tərcümə əsərləri
nominasiyası üzrə Gülşən Lətifxanın
"Azər və Aida" romanının tərcüməsinə
görə
Yunus Oğuz - "Nadir
şah" romanına görə
Səlim Babullaoğlu -
"İlyas Göçmənin şəkil dəftəri"
şeirlər kitabına görə
"Qızıl Kəlmə"
Ədəbi Mükafatının "Şans"
ödülü ilə təltif olunurlar.
Laureatları təbrik
edir və bildiririk ki, "Qızıl Kəlmə" Ədəbi
Mükafatının təqdimat mərasimi bu gün saat
17:00-da R.Behbudov adına Mahnı Teatrında keçiriləcək.
Maraqlananlar dəvət olunur.
Mədəniyyət.- 2009.- 6 may.- S. 1.