Kinomuzun bu günü

 

Avqustun 2-si Milli Kino günüdür. Ənənəvi olaraq, kinemotoqrafçılar həmin günü bayram kimi qeyd edəcəklər. Bizsə, bayram ərəfəsində kinonun inkişafı naminə reallaşan layihələrə, görüləcək işlərə nəzər salmaq istədik. Əvvəlcə onu qeyd edək ki, son illər dövlət tərəfindən kinonun inkişafı naminə bir sıra addımlar atılıb, proqramlar qəbul edilib, layihələr həyata keçirilib. Misal üçün, Prezident İlham Əliyevin 23 fevral 2007-ci il tarxiliAzərbaycanda kino sənətinin inkişaf etdirilməsi haqqındaSərəncamında 2008-2018-ci illəri əhatə edən Dövlət Proqramının hazırlanması nəzərdə tutulub. Eyni zamanda, kinemotoqrafiya sahəsində gənclərin yaradıcılıq fəaliyyəti ilə bağlı 2007-2010-cu illəri əhatə edən proqram hazırlanıb. Əlbəttə, bütün bunlar kinonu uğura aparan onun inkişafına xidmət edən böyük işlərdəndir. Görək, bu istiqamətdə hansı işlər görülüb, yaxud görülməkdədir, hansı layihələr reallaşıb reallaşmaq ərəfəsindədir? Sərəncamdan irəli gələrək həyata keçirilən reallaşacaq layihələr barədə bizə Mədəniyyət Turizm Nazirliyi kino şöbəsinin sektor müdiri Yusif Şeyxov məlumat verdi. Sektor müdirinin sözlərinə görə, 2008-2018-ci illəri əhatə edən Dövlət Proqramı çərçivəsində Dövlət Film Fondu inşa edilərək təhvil verilib. Fondun yüksək standartlara cavab verən texniki avadanlıqlarla (avadanlıqlar Almaniya Rusiyadan gətirilib-c. S) təchizatı həyata keçirilib. Eyni zamanda, «Nizami» kinoteatrında təmir işlərinə start verilib. «Azərbaycanfilm» kinostudiyasında aparılan təmir-tikinti işlərinin sürətlənməsi, kinostudiyanın gələcəkdə müasir səsyazma çəkiliş avadanlıqları ilə təmin edilməsi proqram çərçivəsində həyata keçiriləcək işlərdəndir. Onu da öyrəndik ki, bölgələrdə bu qəbildən olan bir sıra işlər həyata keçiriləcək. Məsələn, Quba, Gəncə, Lənkəran, Mİngəçevir, Naxçıvan digər bölgələrin kinoteatrları təmir ediləcək, hər biri yeni, modern avadanlıqlarla təchiz olunacaq. Y.Şeyxov proqramdan irəli gələrək müştərək filmlərin istehsalının genişləndiriləcəyini bildirdi. Qeyd etdi ki, artıq bu istiqamətdə bir neçə film istehsal olunaraq, kinosevərlərin ixtiyarına verilib: «Şamil Nəcəfzadənin rejissorluğu ilə ərsəyə gələn «Qala» filmi Rusiya ilə müştərək çəkilib. Artıq bu filmin prezentasiyası da keçirilib. Rüstəm İbrahimbəyovun çəkdiyi «Kabusun gözü ilə» bədii filmi isə Fransa ilə müştərək ərsəyə gəlib. Film 2 avqust Kino Günündə kinosevərlərin ixtiyarına veriləcək. Hazırda İranla müştərək «Çevrilmiş işıq» filmi (rejissoru Ənvər Əbluç-c. S) çəkilir. Elçinin ssenarisi əsasında Türkiyə ilə müştərək olaraq «Mahmud Məryəm» filmi çəkiləcək».

Sektor müdiri onu da vurğuladı ki, müştərək filmlər yalnız Azərbaycan tamaşaçısı üçün deyil, eyni zamanda, xarici kino bazarı üçün nəzərdə tutulub. Bu qəbildən olan «Qala» artıq bir sıra nüfuzlu beynəlxalq kino festivallarında nümayiş olunub, diplom mükafatlara layiq görülüb.

Müştərək filmlər sırasında sənədli ekran işlərinin olacağını deyən Yusif Şeyxov bildirdi ki, yaxın günlərdə «Salnamə» studiyası Rusiya, Gürcüstan digər ölkələrlə birgə sənədli filmlər çəkib. Bura «Əli Nino» (Gürcüstanla müştərək), «Hüseynbala Əliyev» (Rusiya ilə müştərək) filmləri daxildir. Həmin filmlər gənc rejissorlar - Murad Muradov Tahir Əliyevə həvalə olunub.

Sektor müdiri, həmçinin kinemotoqrafiya sahəsində gənclərin yaradıcılıq fəaliyyətinin inkişafı üçün nəzərdə tutulan 2007-2010-cu illəri əhatə edən proqramdan da söz açdı: «Mədəniyyət Turizm Nazirliyi bir neçə ildir ki, “Bu meydan, bu ekran!” müsabiqəsini keçirir. Müsabiqə qaliblərinin layihələri əsasında onlarca filmlər istehsal olunub. Bu gün həmin filmlərin sorağı dünya kinofestivallarından gəlir. cizgi filmləri sahəsində gənc rejissorların debüt filmlərinin istehsalata buraxılması da bu proqram çərçivəsində həyata keçirilir. Hər il tammetrajlı bədii filmin çəkilişinə ən azı bir debütant rejissor cəlb olunur. Gənc rejissorların işlərindən ibarətTanış olun: gənclərbaxış-müsabiqəsi, “Vətənkinoteatrı bazasında Uşaq Kinosu Mərkəzinin yaradılması, bütün bunlar sözügedən proqram əsasında reallaşdırılıb».

Xatırladaq ki, «İki» («RTR» prodakşn), «Xəyallar gündəliyi» («Debüt» studiyası), eləcə də, gənc rejissorlar Fariz Əhmədov və Nərgiz Bağırzadənin çəkdiyi «Bir addım», «Qocalar» («İmperqrup» prodakşın) və digər qısametrajlı filmlər «Bu meydan, bu ekran!» layihəsi çərçivəsində ərsəyə gəlib. Qeyd edək ki, sözügedən filmlər vaxtaşırı bir sıra nüfuzlu beynəlxalq kinofestivallarda nümayiş olunaraq, yüksək mükafatlara layiq görülüblər.

Sektor müdiri söhbət əsnasında 2 avqust Kino Gününə hazırlıqlardan da söhbət açdı. Qeyd etdi ki, həmin gün kinoplakat sərgisi nümayiş olunacaq. Bir qrup tanınmış kino xadimləri və işçilərinə pul mükafatları və diplomlar təqdim ediləcək: «Kinemotoqrafçıların bayramı hər il olduğu kimi bu il də maraqlı tədbirlərlə yadda qalacaq».

 

 

Səlimqızı Cəvahir

 

Mərkəz.- 2010.- 16 iyul.- S. 11.