Şərəfli
sevgi tariximiz
30 iyun
Müqəddəs Valentin
günü - “Sevgililər
günü” Avropada
XIII əsrdən, Amerikada 1777-ci ildən,
MDB ölkələrində isə XX əsrin 90-cı illərinin
əvvəllərindən qeyd olunur. Dünya dövlətlərində
bu günün kütləvi qeyd edildiyi və sevgililərin
bir-biri üçün
hədiyyələr aldığı
danılmaz faktlardır. Valentin gününün atributları
da var, bunlar
ürək şəkilləri və göyərçin fiqurudur. Bəs, bu gün müsəlman
ölkələrində, türk
dünyasında, Azərbaycanda qeyd edilməlidirmi?
Bu suala
cavab tapmaq üçün qısa sorğu keçirdik.
«Xural» qəzetinin baş redaktoru Əvəz
Zeynallı: “Bu millətin
ölməyən dəyərləri var və İlhamla
Fərizə bu dünyada
bizə dəyər yaradanlardandır... İlham 30 iyunu bizə
vermək üçün sinəsini
güllə qabağına verdi... Yəni 30 iyunu tankın üstünə gedib qazanmışıq...” “Mərkəz”
qəzetinin baş redaktor
müavini Nicat
Sadıqlı: “Mən sevgiyə gün ayırmağın tərəfdarı
deyiləm. Sevgi elə
sevgidi. O ki qaldı,
sevgililər gününün hansı gündə qeyd olunmasına, əgər cəmiyyətimiz,
xüsusilə də gənclik belə bir
gün olmasını
istəyirsə, 30 iyunun seçilməsinin
tərəfdarıyam. Məncə, bu gün bizə daha doğmadır. Fərizə məhz sevgisi uğrunda canından keçib”.
Şair Cəlil
CAVANŞİR: “Məncə, 14 fevralın “Sevgililər günü” kimi qeyd edilməsi, bu gün küçələrdə
bayram ovqatında dolaşmaq çox
yanlışdır. Valentin gününün mahiyyətini
anlamayan xeyli gəncimiz var ki, hələ də bu gün
hədiyyə almayan sevgilisindən inciyib-küsür.
Gəncliyimiz anlamalıdır ki, bu günün normal sevgililərə heç bir aidiyyəti yoxdur. Sevən
adam üçün hər gün “sevgililər günü”dür.
Ən önəmli məqam isə budur ki, bizim
öz sevgililər günümüz var. 30 iyun bizim milli
Sevgililər günümüzdür.
Bu günün mahiyyəti
və məramı çox önəmlidir.
30 iyunun Sevgililər günü elan edilməsi fikrinin müəllifi,
dəyərli jurnalist, dostum
Əvəz Zeynallıya bir
daha təşəkkür
edirəm ki, insanların
zehniyyətini aydınlatmağa
çalışır. Məncə, sevgililərə mütləq
gün lazımdırsa, bunu
30 iyunda qeyd etsinlər.
Çünki gəncliyimiz
də “30 iyun - Sevgililər günü”nün önəmini anlamalı və bu günü bayram etməlidirlər.
Bu gün iki azadlıq şəhidi, 20 Yanvar
qurbanı İlham və
Fərizənin adıyla bağlıdır. 14 fevral-Valentin
günü isə çox önəmsiz, məzmunsuz bir gündür. Bu günü
xatırlamağa, qeyd etməyə dəyməz...”
Yazıçı Şərif Ağayar: “Heç birini qəbul etmirəm. Məncə, belə
günlər bayağı və qeyri-ciddidir.
Sevginin hansısa rəsmi bir günə, bir zamana aid etmək lazım deyil. Ancaq belə bir qadağa da gərək deyil. Kimə necə rahatdırsa, elə olsun. Mənə qalsa, mən qəbul edə bilmirəm“.
Şair Murad
Köhnəqala: “Məncə,
hər gün sevmək daha yaxşıdır - 365 gün”.
Yeddi
Dövlət - Bir Millət Konseyinin başqanı Azər Həsrət:
“30 iyun Azərbaycanda və ondan kənarda yaşayan türklərin
Sevgililər Günüdür. Qutlu olsun, deyirəm.
30 iyun sevgi, qəhrəmanlıq, fədakarlıq,
milli mücadilə tarixinə öz damğasını vuran
iki Azərbaycan gəncinin - İlhamla Fərizənin toy
gününə təsadüf edir. Onlar
1989-cu ilin 30 iyununda el adətincə düzənlənən
toyla ailə qurmuşdular. Bu evliliyin fani
dünyadakı ömrü cəmi 6 ay 20 gün çəksə
də, onların sevgi nümunəsi əbədiyaşar oldu.
İlham əsl Azərbaycan gənci, vətənpərvər
türk oğlu kimi 20 yanvar 1990-cı ildə ruslara
Bakının işğalı zamanı yalın əllə
dirəniş göstərərək şəhid oldu. Bu ayrılığa dözə bilməyən Fərizə
bir dəfə canına qıymağa cəhd etdi. Mane oldular. Aranı xəlvətə
salıb növbəti cəhdini elədi və… bu dəfə
mane olacaq kimsə yox idi. Fərizə bu yolla bir daha
ayrılmamaq üçün yenidən öz İlhamına
qovuşdu… və özündən sonra əbədi qalacaq bir
sevgi dastanı qoyub getdi…”
“
Tural FAİQOĞLU
Mərkəz.- 2011.-15 fevral.-S.10.