Ata-oğul 45-ci “Martişor” Beynəlxalq Musiqi Festivalında
Azərbaycanın xalq artisti, professor, tarzən Ramiz Quliyev və beynəlxalq müsabiqələr
laureatı, dirijor Əyyub Quliyev 2011 -ci il 1-10 mart tarixində Moldovanın paytaxtı Kişinyov şəhərində kecirilən
45-ci “Martişor” Beynəlxalq
Musiqi Festivalında Azərbaycan musiqi mədəniyyətini uğurla
təmsil ediblər. Ə.
Quliyevin qəzetimizə
verdiyi məlumata görə, festivalda dünyanın 20-yə yaxın
ölkəsindən məşhur
musiqiçi və kollektivlər iştirak edib. Martın 1-də “Respublika Saray”ında ölkənin
dövlət və hökumət rəhbərlərinin
iştirakı ilə
keçirilən festivalın
təntənəli açılış
mərasimində tarzən
Ramiz Quliyev Moldova Dövlət Simfonik Orkestrinin muşayiətilə
Azərbaycan və Moldova bəstəkarlarının əsərlərini
ifa edib. Böyuk maraqa səbəb olan cıxışdan sonra
Moldova mədəniyyət naziri
Boris Foksa və tanınmış incəsənət
xadimləri - bəstəkar,
professor Yevgeniy Doqa, Dövlət Filarmoniyasının
direktoru Svetlana Bivol, Akademik Dövlət Opera və Balet Teatrının
direktoru Valeriya Şeycan, maestro Georgiy Rustu Azərbaycan musiqisinə və milli alətimizə heyran olduqlarını bildiriblər. Martın 5-də
isə “Nika Fondu”, “Beynəlxalq Humanitar və Mədəni Əməkdaşlıq
Fondu” və Azərbaycanın Moldovadakı
səfirliyinin təşkilati
dəstəyi ilə keçirilən konsertde
Sergey Lunkevic adına
Moldova Dövlət Filarmoniyasının
böyük zalında
filarmonik orkestr dirijor Əyyub Quliyevin idarəsi ilə çıxış
edib. Anşlaqla keçən konsertdə Dövlət Filarmonik Orkestri Azərbaycan bəstəkarları - Ü. Hacıbəyli,
Q. Qarayev, F. Əmirovun
əsərləri ilə
bərabər, dünya
klassik musiqisindən nümunələri (P. Çaykovski,
J. Bize, J. Enesku) ifa edib. Konsertin solisti
tarzən Ramiz Quliyevin ifasında ilk dəfə olaraq Moldova Filarmonik Orkestrinin müşayiətilə Ü. Hacıbəyli,
H. Xanməmmədov və
H. Rzayevin əsərləri
səslənib. Dəfələrlə səhnəyə dəvət
olunan tarzən dinləyicilərin istəyini
nəzərə alaraq
məşhur rumın
bəstəkarı Q. Dinikunun
“Mart yallısı” və
Azərbaycanın klassik
muğamlarını ifa
edib. Konsertin sonunda Əyyub
Quliyevin dirijorluğu ilə tamaşaçılara
təqdim olunan J. Eneskunun “Rumın rapsodiyasının” ifasından
sonra dinləyicilər
azərbaycanlı dirijoru
və musiqiçiləri
ayaq üstə alqışlayıblar. Qeyd etmək
lazımdır ki, azərbaycanlı musiqiçilərin
konserti Dövlət Televiziya və Radiosu ilə canlı yayımlanıb.
Konsertin sonunda Moldova Dövlət Fılarmoniyasının direktoru
professor Svetlana Bivol filarmonıyanın
70-illik yubiley nişanlarını
musiqiçilərimizə təqdim
edib və onları növbəti festivalda çıxış
etmək üçün
yenidən Moldovaya dəvət edib.
Cəvahir
Mərkəz.-2011.- 10
mart.- S.10.