Bakıda rəssam İmran Nurəlinin fərdi sərgisi açılıb

Vəcihə Səmədova adına sərgi salonunda Azərbaycan Rəssamlar İttifaqının (ARİ) üzvü İmran Nurəlinin boyakarlıq işlərindən ibarət fərdi sərgisi açılıb.

Sərginin incəsənət sahəsinin, Milli Məclis üzvlərinin, ictimaiyyət nümayəndələrinin və tələbələrin iştirakı ilə keçən açılışında ARİ-nin sədri Fərhad Xəlilov, Əməkdar İncəsənət xadimi Ziyadxan Əliyev və başqa mütəxəssislər çıxış edib, istedadlı rəssamın bənzərsiz yaradıcılığından söz açıblar. Yaradıcılıq aləmində “Azərbaycanın Salvador Dalisi” kimi tanınan rəssamın sərgidə 47 iri həcmli boyakarlıq əsəri nümayiş etdirilir.

İ.Nurəli bu tədbiri Moskvada aşılacaq sərgisi üçün bir hazırlıq, əsaslı məşq kimi dəyərləndirib. Onun sözlərinə görə, RF-nin prezidenti azərbaycanlı rəssamın yaradıcılığına maraq göstərib və yaxın zamanlarda moskvalılar onun əsərləri ilə yaxından tanış olmaq imkanı qazanacaqlar.

Cəvahir Səlimqızı.

Mərkəz.- 2012.- 23 noyabr.- S. 15.