Gənclərin II Ümumrespublika Teatr Festivalı Art-kampa start verir

Millət vəkili Jalə Əliyevanın rəhbərliyi, Gənclər və İdman Nazirliyi, Mədəniyyət və Turizm Nazirliyi, Azərbaycan – Amerika Alyansının dəstək verdiyi Gənclərin II Ümumrespublika Teatr Festivalı final mərhələsinə çatıb.

Noyabrın 24-ü səhər tezdən Bakı, Sumqayıt, Ucar, Zaqatala, Ağdam, Zərdabı təmsil edən 100-dən atrıq gənc yaradıcı kampda, təlimlərdə, fikir laboratoriyasında və məşqlərdə iştirak etmək üçün GİN-in Şüvəlanda yerləşən düşərgəsinə toplaşıb.

Tanınmış sənət adamları- xalq artistləri Rafael Dadaşov, Vaqif Əsədov, Rasim Balayev, Ağaxan Salmanlı, rejissor Cavid Təvəkkül, YUĞ Dövlət Teatrının direktoru Tərlan Rəsulovun iştirakı ilə ustad-dərslərin yer aldığı və həyəcanla gözlənilən Art Kamp 3 gün davam edəcək.

Noyabrın 24 saat 11.00 – Cavid Təvəkkül, saat 15.00 – Rafael Dadaşov

Noyabrın 25 saat 11.00 - Vaqif Əsədov, saat 15.00 – Rasim Balayev

Noyabrın 26 saat 11.00 – Ağaxan Salmanlı, saat 15.00 - Tərlan Rəsulov

Düşərgənin keçirilməsində məqsəd isə gənclər arasında ünsiyyətin və yaradıcı münasibətlərin formalaşmasına yardımçı olmaqdır.

Qeyd edək ki, layihənin ideya müəllifi Jalə Əliyeva, icraçı direktoru Ramil Ağasıyevdir.

Layihənin informasiya dəstəyi AzTV, Guney.az və Lent.az xəbər portalları və Araz FM radiosudur.

Cəvahir Səlimqızı.

Mərkəz.- 2012.- 24 noyabr.-S.- 15.