Londonda “Azərbaycan foto obyektivlərdə” müsabiqəsinin qalibləri elan olunub

 

Londonda, “La Galleria Pall Mall”daAzərbaycan foto obyektivlərdəsərgisinin açılışı olub.

Bu barədə Avropa Azərbaycan Cəmiyyətindən məlumat verilib. Sərginin açılışında AAC tərəfindən təşkil edilənAzərbaycan foto obyektivlərdəmüsabiqəsinin qalibləri elan edilib. Fotoqraf Asim Talıbın 1985-ci ildə Kəlbəcər rayonunda çəkdiyiAğsaqqallarfotosuna görə müsabiqənin qalibi seçildiyi açıqlanıb. Müsabiqədə 2-ci yerəBibiheybət məscidifotosuna görə Etibar Cəfərov, 3-cü yerəAlovlar iynəfotosuna görə Fuad Babayev layiq görülüb.

Sərgidə bütövlükdə Azərbaycan etnoqrafiyası, mədəniyyəti, memarlığı və təbiətinə dair 100 foto nümayiş olunur. Bu işlər Azərbaycanın və dünyanın müxtəlif ölkələrindən olan həvəskar və peşəkar fotoqrafların “Azərbaycan foto obyektivlərdə” müsabiqəsinə təqdim etdikləri 750 foto arasından seçilib.

Sərgi dekabrın 1-dək ziyarətçilər üçün açıq olacaq. Londondan sonra bu ecazkar fotolar Avropa Azərbaycan Cəmiyyəti tərəfindən Brüssel, Paris və Berlin şəhərlərində təşkil ediləcək sərgilərdə nümayiş etdiriləcək.

 

 

Cəvahir Səlimqızı.

 

Mərkəz.- 2012.- 24 noyabr.- S.15.