Əbülfəs Qarayev: “Azərbaycanda kino istehsalına ötənilki kimi 6 milyon manat ayrılıb”

2011-ci ildə Azərbaycanda kino çəkilişi üçün 6 milyon manat ayrılıb. Bunu APA-ya açıqlamasında Mədəniyyət və Turizm naziri Əbülfəs Qarayev deyib.

Nazir bildirib ki, ötən il də Azərbaycanda kino çəkilişi üçün eyni məbləğdə pul ayrılmışdı: “Biz də filmlərin büdcəsinin 700-800 min manatdan artıq olmasına imkan vermirik. Ancaq bir-iki beynəlxalq layihə var ki, büdcəsi 2 milyona yaxın olacaq. Bu filmlərin xüsusi maliyyələşdirilməsi nəzərdə tutulur”. Ə.Qarayev onu da əlavə edib ki, dövlət sifarişi ilə il ərzində iki cizgi filminin istehsalı nəzərdə tutulur: “Artıq ssenarilər bizə təqdim olunub və biz bu ssenariləri təsdiqləyəcəyik. Mən onların adlarını indidən demək istəmirəm, apreldə açıqlanacaq”.

Olaylar.- 2011.- 4 mart.- S.3.