Dövlətin diqqətində olan diaspor nümayəndələri

Dünyanın müxtəlif ölkələrində yaşayan və həmin ölkələrdə Azərbaycan diasporunu formalaşdıran dəyərli soydaşlarımız hər zaman dövlətin diqqət və qayğısını öz üzərilərində hiss edib, göstərdikləri fəaliyyətə görə müxtəlif vaxtlarda Azərbaycanın ən ali mükafatları ilə təltif olunublar. Belə şəxslərdən biri də Nurəddin Arasdır.

Məlumat üçün qeyd edək ki, Nurəddin Aras 1954-cu il martın 6-da İqdır şəhərində anadan olub. O, ilk, orta və lisey təhsilini İqdırda alıb. Liseyi bitirdikdən sonra Almaniyaya gedib və Hote İnstitutunda dil təhsili alıb. Sonra Erlanqen Universitetinin İdman Akademiyasında təhsilini davam etdirib. 1980-ci ildə İqdırda coğrafiya müəllimi təyin olunub. 1999 və 2004-cü illərdə keçirilən seçkilərdə qalib gələrək 10 il İqdır bələdiyyə sədri olub. 2011-ci ildə keçirilən Türkiyə Ümumi Seçkilərində Ədalət və İnkişaf Partiyasından II nömrəli millət vəkili namizədi olaraq göstərilib. Azərbaycanla münasibətə həmişə böyuk önəm verən Nurəddin Arasın təşəbbüsu və dəstəyi ilə hər il Xocalı soyqırımının ildönümü ilə əlaqədar Avropa ölkələrində beynəlxalq konfrans keçirilir. Türkiyə-Ermənistan sərhədlərinin açılmasına qarşı çıxan Nurəddin Aras İqdırın Azərbaycanla, xüsusi ilə blokada şəraitində olan Naxçıvan Muxtar Respublikası ilə əlaqələrinin genişlənməsində önəmli rol oynayıb. Nurəddin Aras 2006-cı il martın 13-də Azərbaycan Respublikası prezidentinin sərəncamı ilə dünya azərbaycanlılarının həmrəyliyi sahəsində fəaliyyətinə görə “Tərəqqi” medalı ilə təltif olunub.

Nobert Yevdayev-1929-cu ildə Bakı şəhərində anadan olub. İlk ali təhsilini Bakı şəhərində Xarici Dillər İnstitutunda, ikinci ali təhsilini isə Moskva şəhərində alıb. Tələbəlik illərində caz və rəssamlıqla məşğul olub, Qərbin incəsənət tarixi ilə maraqlanıb. Moskvada müxtəlif xarici şirkətlərdə texniki məsləhətçi olub. 1956-cı ildən müasir texnologiya sahəsində tərcümə və nəşr etmə üzrə calışır. 1989-cu ildən Birləşmiş Ştatlarda yaşayan həmyerlimiz orada Azərbaycanın AZEM Həmyerlilər Birliyinin sədridir. 2003-cu ildən Nyu-Yorkda təsis etdiyi, rus və ingilis dillərində nəşr olunan “Novıy Rubej” qəzetinin baş redaktorudur. Azərbaycan mədəniyyətinin Amerikada təbliğ olunması istiqamətində bir sıra tədbirlər təşkil edib. 2006-cı il martın 13-də Azərbaycan Respublikası prezidentinin sərəncamı ilə dunya azərbaycanlılarının həmrəyliyi sahəsində fəaliyyətinə görə “Tərəqqi” medalı ilə təltif olunub.

Niyazi Hacıyev-1964-cu ildə iyulun 15-də Ermənistan SSR-nin Sisiyan rayonunun Vaqudi kəndində anadan olub. 1981-ci ildə Vaqudi kənd orta məktəbini bitirib. 1993-cü ildə Tallin Texniki Universitetində ali təhsil alıb. 1988-ci ildə Estoniya Azərbaycan İcmasının (“Ocaq” Cəmiyyətinin) sədri seçilib. 1994-cu ildən “Turan-N” şirkətinin sahibidir. 1995-ci ildə Eston İslam İcmalarının (Tatar, Azərbaycan, Ozbək, Qazax İcmaları daxildir) sədrinin birinci müavini seçilib. 1996-cı ildə Estoniya Respublikası prezidenti yanında İnsan Hüquqlarının Qorunması İnstitutuna üzv seçilib. 2000-ci ildə Estoniya Azərbaycan İcmasının fəxri sədri, 2001-ci ildə Estoniya Demokratlar Partiyasının İdarə Heyətinə üzv, həmcinin, Estoniya türkdilli (Azərbaycan) məktəbinin Şurasına sədr secilib. 2001-ci ildə isə 9-10 noyabr tarixində keçirilən Dünya azərbaycanlılarının I qurultayında Əlaqələndirmə Şurasına üzv, 2002-ci ildə isə Estoniya Respublikası Prezidenti yanında Milli Azlıqlar üzrə “Dəyirmi masa”ya üzv seçilib. 2004-cü ildən Estoniya “Aydan” Mədəniyyət Mərkəzinin sədridir. Tallin “Bakılı” klubunun həmsədrlərindən biridir. 2011-ci il iyulun 4-də Azərbaycan Respublikası prezidentinin sərəncamı ilə xalqlar arasında dostluğun möhkəmləndirilməsi və Azərbaycan diasporunun inkişafı sahəsindəki xidmətlərinə görə “Tərəqqi” medalı ilə təltif olunub.

Natiq Atakişiyev-1939-cu il fevralın 15- də Bakı şəhərində anadan olub. 1961-ci ildə Bakı Dövlət Universitetinin fizika fakültəsini bitirib. Fizika-riyaziyyat elmləri doktorudur. 1994-cü ildən Meksikada tədqiqatçı kimi işə başlayan alim 1996-cı ildən Meksika Milli Muxtar Universiteti (Universidad Nacional Autonoma de Mexico) nəzdində Riyaziyyat İnstitutunun Kuernavaka şəhərində yerləşən bölməsində çalışıb. Elə həmin ildən Meksika Elmlər Akademiyasının üzvüdür. Onun dünyanın nüfuzlu jurnallarında 112, beynəlxalq konqreslərin materiallarında isə 51 məqaləsi dərc edilib. 80-dən çox çapdan çıxmış elmi əsəri var. AMEA-nın Fizika İnstitutunda böyük elmi işçidir. Natiq Atakişiyevin rəhbərlik etdiyi Latın Amerikası Azərbaycanlıları Assosiasiyası 2008-ci ilin sonunda fəaliyyətə başlayıb. 2011-ci il iyulun 4-də Azərbaycan Respublikası Prezidentinin Sərəncamı ilə elm sahəsindəki nailiyyətlərinə görə “Əməkdar elm xadimi” fəxri adına layiq görulüb.

Natiq Ağamirov-1958-ci il noyabrın 6- da Ağdam rayonunda anadan olub. 1980-ci ildə Azərbaycan Dövlət Universitetinin hüquq fakültəsini fərqlənmə diplomu ilə bitirib. Ali məktəbi bitirdikdən sonra Azərbaycan ədliyyə orqanlarında işləyib. 1983-cu ildə Rusiya Federasiyasının ədliyyə orqanlarına - Moskva Vilayəti üzrə Ədliyyə İdarəsinə keçirilmiş, orada idarənin məsləhətçisi, baş mütəxəssisi - notariat şöbəsinin rəisi işləyib. 1990-cı ildən Rusiya Federasiyasının Ədliyyə Nazirliyinə – Huquqi Yardım İdarəsinin İdarəsinin baş mütəxəssisi vəzifəsinə kecirilib. 1991-ci ildə RSFSR Ədliyyə Nazirliyinin İdarə rəisinin müavini – hüquqi yardımın təşkili şöbəsinin rəisi vəzifəsinə təyin edilib. 1991-ci ildən Rusiya notariuslarının birinci təsis qurultayında Rusiya Notariusları Assosiasiyasının sədri, 1992-ci ildə isə Ümumrusiya Peşəkar Notariusları İttifaqı Mərkəzi Şurasının sədri seçilib. Hüquq nəzəriyyəsi və hüquq tətbiqi fəaliyyəti sahəsində bir sıra elmi məqalələrin və yazıların müəllifidir. Rusiya Federasiyası Məhkəmə və notariat sistemi islahatının təşəbbüskarlarından biridir. Siyasi və hüqüq elmləri namizədir. Ümumrusiya Azərbaycan Konqresi İqtisadi İnkişaf Fondunun İdarə Heyətinin sədridir. 2007-2009-cu illərdə Avropa Azərbaycanlıları Konqresinin prezidenti olub. Hazırda Avropa Azərbaycanlıları Konqresinin Prezidentlərinin Məşvərət Şurasının üzvüdur. 2006-cı il martın 13-də Azərbaycan Respublikası Prezidentinin Sərəncamı ilə dünya azərbaycanlılarının həmrəyliyi sahəsində fəaliyyətinə görə “Tərəqqi” medalı ilə təltif edilib.

Natiq Bağırov- 1964-cu il sentyabrın 7-də Bakı şəhərində anadan olub. 1971-1981-ci illərdə Bakı şəhəri 211 saylı orta məktəbdə təhsil alıb. 1981-ci ildə M.Əzizbəyov adına Azərbaycan Neft və Kimya İnstitutunun neft mədənləri fakültəsinə qəbul olunub və 1986-cı ildə həmin institutu bitirib. 1983-cu ildə SSR Ali Soveti Rəyasət Heyətinin Fəxri Fərmanı ilə təltif edilib. 1986-1987-ci illərdə “Qiproneftqaz” ETİ-də mühəndis vəzifəsində çalışıb. 1987-ci ildə Belarus Respublikasının İdman Komitəsinin dəvəti ilə Minsk şəhərinə köçüb, orada idmançı və məşqçi kimi fəaliyyət göstərib. İdman Nazirliyində mütəxəssis vəzifəsində calışıb. 1992-1993-cu illərdə İtaliyada məşqçi kimi fəaliyyət göstərib. 1995-ci ildə Belarus hökuməti tərəfindən Əməkdar idman ustası adı ilə təltif olunub. 1996-1997-ci illərdə Xorvatiyada işləyib, sambo və dzu-do üzrə 4 dəfə dünya, 5 dəfə Avropa çempionu olub. 2002-ci ildən Belarus Respublikasının dzu-do üzrə Milli komandasının baş məşqçisi vəzifəsində işləyir. 1996-2002-ci illərdə Minsk şəhərində Beynəlxalq Humanitar-İqtisadi İnstitutunun “Beynəlxalq münasibətlər” üzrə mütəxəssisi, ingilis və alman dillərinin referent-tərcüməçisi mutəxəssisi ixtisasını alıb. 1997-ci ildə Minsk şəhərində fəaliyyət gostərən “Qobustan” Mədəni-Maarif İctimai Birliyinin sədri secilib. 2002-ci ilin noyabr ayından Belarus Azərbaycan İcmaları Konqresinin sədridir. 2004-cu ildə Avropa Azərbaycanlıları Konqresinin vitse-prezidenti seçilib. 2006-cı il martın 13-də Azərbaycan Respublikası Prezidentinin Sərəncamı ilə dunya azərbaycanlılarının həmrəyliyi sahəsində fəaliyyətinə görə “Şöhrət” ordeni ilə təltif edilib.

Məzahir Həsənov-1962-ci il iyulun 14-də Qərbi Azərbaycanın Qafan rayonunun Yuxarı Gödəkli kəndində anadan olub. Rusiya Federasiyası DİN Sankt-Peterburq Ali siyasi məktəbini, RF DİN Akade- miyasını və İ.A.Voznesenski adına Sankt- Peterburq Maliyyə-İqtisad İnstitutunu bitirib. Hal-hazırda Sankt-Peterburq Farfor zavodunun baş direktoru, “Sankt-Peterburqun Azərbaycan diasporu” Regional İctimai təşkilatı sədrinin birinci muavinidir. “Rusiya DİN-in 200 illiyi” və “Sankt- Peterburqun 300 illiyi” xatirə medalı ilə təltif olunub. 2011-ci il iyulun 4-də Azərbaycan Respublikası prezidentinin sərəncamı ilə Azərbaycan diasporunun inkişafı sahəsindəki xidmətlərinə görə “Tərəqqi” medalı ilə təltif olunub.

Murad Ömərov-Xarici Vətəndaşların Tədris Mərkəzinin direktoru, Xarkov Milli Radio Elektronika Universitetinin Təbiət Elmləri Kafedrasının rəhbəri, texniki elmləri doktoru, professordur. 1963-cü ildə Kürdəmir rayonunun Xırdapay kəndində anadan olub. 1980-ci ildə Xarkov Radio Elektronika İnstitutuna qəbul olunub, 1985-ci ildə institutda müxtəlif vəzifələrdə çalışıb. 1991-ci ildə İnformasiya ötürulməsi üzrə fiber-optik rabitə sistemləri sahəsində namizədlik dissertasiyasını müdafiə edib. 2004-cu ildə Ukrayna Tətbiqi Radio Elektronika Akademiyasının akademiki seçilib. 2009-cu ildə professor adını qazanıb. 2009-cu ildən etibarən Xarkov Milli Radio Elektronika Universitetinin Xarici Vətəndaşların Tədris Mərkəzinin direktorudur. 2000-ci ildən etibarən Xarkov vilayəti Azərbaycan Ukrayna “Dostluq” cəmiyyətinin üzvü olub, 2001-ci ildə isə bu cəmiyyətin sədri seçilib. 2002-ci ildə Murad Ömərov Ukrayna Milli Mədəni Birlik Assosiasiyasının vitseprezidenti seçilib. 2004-cü ildə “XXI əsrin liderləri” beynəlxalq imic proqramının ekspertlər şurasının qərarı ilə Ukraynanın sosial-iqtisadi inkişafındakı xidmətlərinə görə “Ukrayna iş adamı” medalı və diplomu ilə mükafatlandırılıb. 2006-cı ildə Xarkov şəhər Şurasının İcraiyə Komitəsinin “Millətlərarası sülh və razılığın möhkəmləndirilməsi” nominasiyasında mükafata layiq görülüb. 2002-2006-cı illərdə Xarkov şəhəri Kiyev rayon şurasının IV çağırış deputatı, İqtisadi inkişaf və sahibkarlıq daimi komissiyasının sədri olub. 2011-ci il iyulun 4-də Azərbaycan Respublikası prezidentinin sərəncamı ilə Azərbaycan diasporunun inkişafı sahəsindəki xidmətlərinə görə “Tərəqqi” medalı ilə təltif olunub.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2013.- 30 aprel.- S.15.