Azərbaycan diasporunu təbliğ edən aktiv elektron

informasiya vasitəsi- www. azerbaijans.com saytı

Azərbaycan həqiqətləri, Dağlıq Qarabağ problemi, eləcə də diasporumuzun gördüyü işlər, həyata keçirdiyi layihə və tədbirlərin istər yerli, istərsə də beynəlxalq ictimaiyyətə çatdırılmasına xidmət edən elektron informasiya vasitələrindən biri də www. azerbaijans.com saytıdır. Məlumat üçün qeyd etmək yerinə düşər ki, azerbaijans.com saytı 2 dekabr 2011-ci ildə istifadəyə verilmişdir.

Saytın qurucusu və ideya müəllifi İlham Abduyevdir. Həmin vaxt saytın açılışını və onun Azərbaycanın həm ictimai həyatındakı, həm də internet-informasiya məkanındakı əhəmiyyətini 20-dən çox media qurumu, o cümlədən televiziyalar və ölkənin xarici dillərdə fəaliyyət göstərən bir çox kütləvi informasiya vasitələri işıqlandırmışdır. İndiyə qədər Azərbaycanın 122 tanınmış ziyalısı (bunlar arasında siyasət, mədəniyyət, incəsənət, idman, elm və s. sahəsində çalışanlar üstünlük təşkil edir) sayt haqqında müsbət fikirlərini bildirib. Saytın ünvanına minlərlə elektron məktub daxil olub ki, onların əksəriyyəti saytın fəaliyyətini ardıcıl izlədiklərini bildirmişlər. İl ərzində www.azerbaijans.com saytına 400 yeni link əlavə edilmişdir. Təkcə “Son 10 il” bölməsinə 12 yenilənmə edilmişdir.

Saytda 200-ə yaxın fotoqalereya, ümumilikdə isə 5000-dən artıq fotogörüntü yer alıb. 41 bölmədə isə 1500-ə yaxın video material toplanmışdır. Bu əlavələr saytın ayrı-ayrı bölmələrindəki informasiyaların ətraflı işıqlandırılmasına əhəmiyyətli dərəcədə təsir göstərmişdir. Sayt qısa müddətdə “İnternet – radio” istifadəyə vermişdir. İnternet istifadəçiləri bu radio vasitəsilə Azərbaycanın muğam, xalq, estrada, instrumental musiqilərini, aşıq havalarını, milli caz ifalarını, Avroviziya, türk və xarici estrada nümunələrini dinləmək imkanı əldə etmişlər. Azərbaycan televiziyasının aparıcı kanallarını (o cümlədən regional kanalları) izləmək üçün “İnternet – TV” bölməsi də saytın çoxsaylı istifadəçilərinin ixtiyarına verilmişdir. Sayt təkcə intellektual deyil, həmçinin texniki imkanlarını da genişləndirərək “AZEtube” video serverini hazırlamışdır. Bu həm saytın vizual təqdimat imkanlarını, həm də istifadənin rahatlığını artırmışdır. Bundan əlavə, il ərzində kino həvəskarlarının klassik kino salnaməmizi çətinlik çəkmədən izləməsi üçün Azərbaycan internet məkanında ilk dəfə olaraq “Kino” bölməsinə 350-ə yaxın sənədli, tam və qısametrajlı film əlavə edilmişdir. Azyaşlı istifadəçilərin internetdən faydalı və şüurlu şəkildə yararlanması məqsədilə sayt tərəfindən “Cizgi filmləri” bölməsinə 50-ə yaxın cizgi filmi yüklənmişdir. Bu istiqamətdə işlər davam etdirilərək yenə də internet məkanında ilk dəfə sayta 60 televiziya tamaşası və 320 “Mozalan” satirik kino jurnalı nümunələri əlavə edilmişdir. Eyni zamanda saytın “Rəssamlıq” bölməsində yeni “Rəsm qalereyası” linki hazırlanmış və linkə Azərbaycan rəssamlarının dünya incəsənətinin inciləri hesab edilən, ölkəmizdə, eləcə də xaricdə ən məşhur sərgi salonlarında nümayiş etdirilən 270 məşhur sənət əsərinin görüntüsü əlavə edilmişdir ki, bu da Azərbaycan internet məkanında ilk dəfə həyata keçirilmişdir.

Sayt vasitəsilə “Azərbaycanı tanı!” sloqanı ilə ölkədən kənarda 1 milyon 647 min insana, o cümlədən 70-ə yaxın ölkənin rəsmi adminstrasiyasına, parlamentarilərinə, beynəlxalq təşkilatlara, dünyanın çeşidli şirkətlərinə, qeyri hökumət təşkilatlarına, nüfuzlu media orqanlarına, universitet və digər təhsil ocaqlarına, hətta keçmiş dövlət məmurlarına www.azerbaijans.com saytı haqqında informasiya xarakterli məlumatları özündə əks etdirən elektron məktub göndərilmişdir. Azerbaijans.com saytını bu günə qədər 120 milyondan çox insan izləmişdir. Gün ərzində saytı 50 mindən çox internet istifadəçisi ziyarət edir.

Fəaliyyətə başladığı müddət astanasında il ərzində azerbaijans.com saytı 4 yeni layihə həyata keçirmişdir: Bunlar www.garabagh.net, www.azerbaijanphoto.com www.butalife.com; www.butacolor.net layihələridir.

Bu saytların hər biri məqsədinə, mövzusuna və texniki imkanlarına görə dünya internet məkanında özünəməxsus yer almışdır. Sevindirici haldır ki, saytın hazırlanmasının bir ili tamam olmamış, 2012-ci oktyabr ayında www.azerbaijans.com, www.azerbaijanphoto.com, www.butalife.com saytlarının ideya müəllifi və qurucusu İlham Abduyev Avropa Biznes Assambleyasının Sokrat Komitəsi tərəfindən veb resursların inkişafı və həyata keçirilməsi üçün innovativ ideyalara görə “Ən yaxşı iş” diplomuna və “İlin meneceri” medalına layiq görülüb. Bununla da bu sayt Avropanın ən nüfuzlu brendini qazanmışdır.

Nəhayət bu yaxınlarda www.azerbaijans.com saytı bütövlükdə Azərbaycanı əks etdirən yeni foto albom və diski istifadəçilərə təqdim edəcək. Daha sonra videoların təqdimi və yüklənməsi saytı da tezliklə internet həvəskarlarının ixtiyarına veriləcək. Keçən illər ərzində təxminən 50-ə yaxın internet xəbər portalı və ölkə qəzetləri azerbaijans.com saytının fəaliyyətini ümumi və ya ayrıca şəkildə işıqlandırmış, xüsusi məqalələr dərc etmişlər. Bütün bu göstərilənlər www.azerbaijans.com saytının 1 illik fəaliyyəti dövründə həyata keçirilmişdir. Bununla yanaşı qeyd edək ki, saytın zənginləşməsi və yenilənməsi istiqamətində fəaliyyət davam etdirilir. Qarşıdakı ildə də internet istifadəçilərini yeni layihələr və sürprizlər gözləyir.

www. azerbaijans.com saytı artıq xaricdə də vətənimizi tanıtmaqdadır. 17-18 aprel 2012-ci il tarixində saytın kollektivinin təşkilatçılığı ilə “Azərbaycanı tanı!” sloqanı ilə ölkədən kənarda 1 milyon 647 min insana, o cümlədən 70-ə yaxın ölkənin rəsmi adminstrasiyasina, parlamentarilərinə, beynəlxalq təşkilatlara, dünyanın çeşidli şirkətlərinə, qeyri hökumət təşkilatlarına, nüfuzlu media orqanlarına, universitet və digər təhsil ocaqlarına, hətta keçmiş dövlət məmurlarına www. azerbaijans.com saytı haqqında informasiya xarakterli məlumatları özündə əks etdirən elektron məktub göndərilmişdir.

Bu, dünyanın müxtəlif ölkələrində Azərbaycan haqqında ətraflı bilgi yaradacaq və ölkəmizə olan marağı daha da artıracaqdır.

21 avqust 2013- cü il tarixində azerbaijans.com saytı yeni layihəsini təqdim etdi. Prezident İlham Əliyevin ötən 10 illik prezidentlik fəaliyyətinin nəticələrini əks etdirən və yeddi dildə təqdim olunan www.president-az.com adlı bu sayt internet texnologiyalarının ən yeni nailiyyətləri əsasında hazırlanmışdır və orijinal təqdimat üslubuna malikdir. Sayt cəmi 40 bölmədən ibarətdir. Bölmələr Azərbaycanda prezident İlham Əliyevin ötən 10 ili əhatə edən hakimiyyəti dövründə iqtisadiyyatdan başlayaraq sosial təminata , ordu quruculuğundan xarici siyasətə, mədəniyyətə, idmana və digər sahələrə dair görülmüş işlərin, həyata keçirilmiş islahatların nəticələrini əks edirir. Bölmələrdə 300-dən çox məqalələr toplusu yerləşdirilmişdir. Həcmcə yığcam olan bu məqalələr faktlar və rəqəmlər, inkişaf dinamikasına dair göstəricilər üzərində qurulmuşdur.

Saytda həmçinin “Yenilənmələr” bölməsi vasitəsilə Prezidentin növbəti beş illik fəaliyyəti ərzində görülmüş işlərin, əldə edilmiş nailiyyətlərin müntəzəm qaydada təhlili və ictimaiyyətə çatdırılması da nəzərdə tutulmuşdur. Sayt eyni zamanda 2020-ci ilə hədəflənmiş inkişaf istiqamətlərini də izləyib nəticələrini təqdim etməyə hesablanan informasiya resursudur. Bundan əlavə, verilən informasiyaları dolğunlaşdırmaq və vizuallaşdırmaq məqsədilə saytın video və foto qalereya bölməsi də fəaliyyət göstərir.

www.butacolor.net-14 noyabr 2012-ci ildə Azərbaycanda ilk foto sosial şəbəkə olan butacolor.net saytı istifadəçilərin ixtiyarına verilib. Azerbaijans.com saytının yeni layihəsi olan bu veb resurs foto rəsmlərin paylaşılması və mübadiləsi məqsədi ilə hazırlanmışdır. Bundan əlavə, beynəlxalq statuslu sayt fərdi səhifələrdə mövzular üzrə foto albomlar təşkil etmək və istifadəçilər arasında virtual ünsiyyət qurmaq imkanı yaradır. Dünyanın hər yerindən foto həvəskarlar 7 dildə fəaliyyət göstərən saytın bazasına müxtəlif mövzulu fotolar əlavə edib onları mübadilə və ya müzakirə edib, yaymaq imkanına malik olacaqlar.

www.azerbaijanphoto.com -1 oktyabrda azerbaijans.com saytı daha bir layihəsini həyata keçirib. www.azerbaijanphoto.com adlı bu sayt Azərbaycanın ayrı-ayrı bölgələrini, əsrarəngiz təbiət lövhələrini hər bir azərbaycanlıya və dünyaya tanıtdırmaq məqsədi ilə hazırlanmışdır. Eyni zamanda sayt Azərbaycanın ən böyük elektron foto arxividir. 7 dildə fəaliyyət göstərən saytın texniki imkanları olduqca genişdir və istifadəçilər üçün rahat istifadə imkanlarına malikdir.

www.butalife.com-azerbaijans.com saytı 17 sentyabrda ən böyük layihələrindən birini həyata keçirib. Yeni layihə butalife.com ünvanlı beynəlxalq statuslu sosial şəbəkədir. Sayt müasir informasiya cəmiyyətində sosiallaşmanı Azərbaycandan dünyaya istiqamətləndirmək məqsədi ilə yaradılmışdır. butalife.com-da informasiya təminatından sosiallaşmaya qədər hər şeyi təmin edə biləcək bütün imkanlar nəzərə alınmışdır. Sosial şəbəkədə fəaliyyət göstərən bölmələr həm texniki, həm də intellektual baxımdan sosiallaşmanın bütün sferalarını özündə ehtiva edir.

Təqdim etdiyimiz www.garabagh.net saytı Azərbaycanın Qarabağ bölgəsi haqqında geniş informasiyaları özündə əks etdirən bir layihədir. Saytın 7 dildə fəaliyyət göstərməsi bütövlükdə Qarabağ həqiqətlərini dünyanın hər yerinə çatdırmaq zərurətindən irəli gəlir və zəngin informasiya bolluğu yaradacaqdır ki, biz bunu əsas strategiyamız hesab edirik.

Qeyd edək ki, Qarabağ həqiqətləri haqqında zəngin məlumatlar bazası olan sayt (xüsusən “Dövlət siyasəti”, “Xocalı soyqırımı” və s. bölmələr) yenilənməkdə və genişlənməkdə davam edəcəkdir. Bu yenilənmə və genişlənmə bütün 7 dildə olacaqdır. Bundan əlavə, verilən informasiyaları dolğunlaşdırmaq və vizuallaşdırmaq məqsədilə saytın video və foto qalereya bölməsi də fəaliyyət göstərir.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2013.- 5 noyabr.- S.15.