Gənclər diaspora işində aktivdirlər

Müasir qloballaşan dünyada Azərbaycan diasporu inkişaf etdikcə onun hərəkətverici qüvvəsi da artır, bu prosesə öz müsbət təsirini göstərən faktorlar meydana çıxır. Bu mənada dünyanın müxtəlif ölkələrində təhsil alan azərbaycanlı gəncləri xüsusi qeyd etmək yerinə düşər.

Hazırda dünyanın əksəriyyət ölkəsində dövlət və ya qeyri-dövlət xətti ilə ali təhsil alan gənclərimiz var ki, onlar öz boş vaxtlarında Azərbaycanın təbliği, onun yaşadığı ölkədə tanıdılması, başımıza gətirilən müsibətlər, Xocalı soyqırımının dünya ölkələri tərəfindən qəbul edilməsi istiqamətlərində fəaliyyət göstərirlər. Sevindiric hal ondan ibarətdir ki, diaspor təşkilatları da öz növbəsində həmin gənclərlə birgə işləməyə üstünlük verirlər. Xüsusilə, Dünya Azərbaycanlı Gənclər Birliyinin yaradılmasından sonra gənclərimizin qeyd edilən istiqamətlərdə aktivliyi nəzərə çarpacaq dərəcədə artıb. Belə gənbclərdən biri də Polşada ali təhsil alan Tural Hüseynovdur. Varşavada diplomatik elmlər sahəsində təhsil alan həmyerlimiz 2008-ci ildə İngiltərədə, 2012-ci ildə isə Almaniyada eyni sahə üzrə təhsil alıb. Tural Hüseynov Polşada təhsil alan azərbaycanlı tələbələrin həmrəyliyi, onların diaspora fəaliyyətinə verdiyi töhfələrdən danışıb. Azərbaycanlıların Polşada aktiv, birgə fəaliyyət göstərməsi və təşəbbüskarlığının qənaətbəxş olduğunu deyən Tural Hüseynov bildirib ki, hər bir gənc buna maraqlı olmalıdır: “Hər bir azərbaycanli bilməlidir ki, əgər güclü dövlətin möhkəm diasporundan danışmaq istəyiriksə, ilk növbədə bunu hər bir Azərbaycan vətəndaşından başlamalıyıq. Qeyd etmək istərdim ki, xaricdə yaşayan hər bir azərbaycanlı ölkənin qeyri rəsmi-səfri, təbliğatçısı və vasitəçisidir. Cənab Prəzident İlham Əliyev tədbirlərin birində çıxışı zamanı söyləyib: “Mən 9 milyon deyil, 50 milyonluq azərbaycanlıların prezidentiyəm”. Bu o deməkdir ki, xaricdə yaşayan azərbaycanlılar hər zaman qüdrətli Azərbaycana və onun başçısı cənab İlham Əliyevə arxalana bilərlər. Azərbaycanlılar xaricdə bir-biri ilə əlaqəli və həmrəy çalışmalı, bütün çətinliklərə baxmayaraq milli maraqlar naminə fəaliyyət göstərməlidirlər”. Polşada təhsil alan azərbaycanlı gənclərin diaspor sahəsində fəallığına gəlincə Tural Hüseynovun sözlərinə görə, gənclər bu istiqamətdə də fəaldırlar: “Dünyanın müxtəlif ölkələrində fəaliyyət göstərən Azərbaycan diaspor təşkilatlarının fəaliyyət prinsipi sahələrindən biri də ölkəmizin həqiqətlərinin, Ermənistan-Azərbaycan, Dağlıq Qarabağ münaqişəsi, ermənilərin işğalçılıq siyasətinin dünya ictimaiyyətinə çatdırılması, Xocalı soyqırımının beynəlxalq aləmdə tanıdılmasına nail olmaqdır. Sevindirici hal ondan ibarətdir ki, Polşada Azərbaycan diasporu qeyd edilən istiqamətlərdə fəallığı hər ötən il bir qədər də artır. Bu da öz-özlüyündə Azərbaycanın üzləşdiyi problemlərin Polşa ictimaiyyətinə çatdırılmasına öz müsbət təsirini göstərir. Məhz diasporların fəaliyyətinin göstəricisidir ki, son illər müxtəlif ölkələrin ali qanunverici orqanlarında Ermənistanın işğalçılıq siyasətini pisləyən bəyanatlar qəbul edilir, 1992-ci il, fevralın 26-da ermənilər tərəfindən Xocalıda həyata keçirilən vəhşilik aktı soyqırım kimi tanınır”. Gənc soydaşımız Azərbaycan-Polşa münasibətləri, Polşadan Azərbaycana olan maraq barədə də fikirlərini bölüşüb: “Azərbaycan və Polşa arasındakı əlaqələr qədim dövlərdən mövcud olub. İndi də Azərbaycanda polyakların sayı kifayət qədərir . Münasibətlərin tarixi XV əsrə gədib çıxır. XVI əsrdə Ağqoyunlu hökmdarı Uzun Həsən Polşa kralı Yagello ilə sıx əlaqə saxlayıb. Polyak Ledinski və azərbaycanlı Topçubaşov çar Dumasında Polşanın və Azərbaycanın muxtariyyəti uğrunda mübarizə aparan xüsusi fraksiya yaradıblar. Birinci Dünya müharibəsindən sonra polyaklar Polşadan deportasiya olunarkən, on minlərlə insan Azərbaycana gəlib. Təəssüflər olsun ki, 1945-ci ildə Nasist Almaniyasındakı Azərbaycan batalyonu Varşavadakı çıxışda polyaklara qarşı vuruşub. Ancaq dövrün şərtlərini nəzərə aldıqda bu başa düşüləsi hadisədir. Bir faktı da qeyd etmək istərdim ki, Vəli bəy Yadigarov kimi bir çoxları da Polşa ordusunda xidmət edib. Nəzərinizə çatdırım ki, son illər Azərbaycan - Polşa iqtisadi-ticari əlaqələr sahəsində ciddi uğurlar əldə olunub. 2008-ci ildə iqtisadi münasibətlər tariximizdə ilk dəfə olaraq Azərbaycan müsbət saldoya nail olub və iki ölkə arasındakı mal dövriyyəsi 166,9 milyon dollara çatıb. Enərji sahəsində əməkdaşlıqda da böyük perspektivlər gözlənilir. Artıq uzun illərdən bəri əfsanə kimi görünən Bakı-Odessa-Brodı-Plotsk (Qdansk) neft kəmərinin texniki-layihə sənədlərini hazırlamaq üçün "Sarmatiya" konserni yaradılıb. Bu isə Polşanın enərji təhlükəsizliyinin təmin edilməsində Azərbaycanın əhəmiyyətinin yaxın illərdə daha da artacağını göstərir. Münasibətlər strateji əməkdaşlıq səviyyəsində də yüksəlməkdədir. NATO, Avropa Birliyi və digər nüfuzlu bəynəlxalq təşkilatların üzvü olan Polşa ilə mövcud əlaqələrin daha da gənişləndirilməsi Azərbaycan üçün xüsusi əhəmiyyət kəsb edir. Polşa Ermənistan - Azərbaycan, Dağlıq Qarabağ münaqişəsinin həllində problemin Azərbaycanın ərazi bütövlüyü və suverenliyi çərçivəsində, beynəlxalq hüquq normaları əsasında nizamlanması mövqeyindən çıxış edir”. Azərbaycanlı gənclərin xarici ölkələrdə təhsil almasının ölkəmizin tanıdılması baxımından əhəmiyyətli olduğunu deyən Tural Hüseynov qeyd edib ki, Azərbaycan gənclərinin xaricdə təhsil alması olduqca əhəmiyyətlidir: “Onu da qeyd etmək yerinə düşər ki, bu yeni bir hal deyil. Hələ əsrin əvvəllərində Cümhuriyyət dövründə azərbaycanlı tələbələr xaricə göndərilməyə başlandı. Sovet dönəmində ulu öndər Heydər Əliyevin rəhbərliyi dövründə bu məsələ yenidən aktuallaşdı və çox sayda tələbələr xaricə göndərildi. Təbii ki, o zaman “xaric” dedikdə keçmiş Sovet İttifaqının sərhədləri nəzərdə tutulurdu. Nəhayət, müstəqillik əldə etdikdən sonra bu proses daha da genişləndi. Məhz Prezident İlham Əliyevin imzaladığı “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” nəticəsində bu gün Azərbaycan tələbələrinin səsi dünyanın ən yaxşı təhsil ocaqlarından gəlir və bu siyasət nəticəsində xaricdə təhsil almaq hər bir azərbaycanlı gəncin xəyalı yox, reallığa çevrilir”. Gənc soydaşımız deyir ki, azərbaycanlı gəncələrə göstərilən bu qayğı hər bir gəncin xaricdə bir maraq bir ideologiya arxasınca getməyə stimul verdi: “Hal- hazırda İngiltərədə, Amerikada və digər Avropa ölkələrində diaspor fəaliyyəti ilə məsğul olmaqları, xaricdə azərbaycanlı gənclərin təhsil alması yeni bir dünya görüşünün formalaşmasına və Qarabağ həqiqətlərinin dünyaya çatdırılmasına misilsiz töhfə olacaq. Düzdür, təhsil aldığım sahə yenilik tələb etməyən bir sahədir. Ancaq ölkəmizin maraqlarını beynəlxalq arenada təbligi üçün əlimizdən gələni edəciyik və nə qədər ki, ölkə başçısı İlham Əliyev siyasətdə olacaq, biz gənc diplomatlar hər zaman onunla olacağıq. Azərbaycanın təbliği baxımından da gənclərin xarici ölkələrdə təhsil alması əhəmiyyətlidir. Onu qeyd edim ki, artıq qısa bir zamanda Azərbaycan dünya miqyasında böyük nüfuza sahib olan ölkəyə çevrilib. Bu gün dünyanın bir çox ölkələri ilə mədəni, iqtisadi və qarşılıqlı hörmət əsasında qurulmuş münasibətlər mövcuddur. Bir çox ölkələrdə güclü Azərbaycan təşkilatları formalaşıb və fəaliyyət gostərir. Onlar müxtəlif vəzifələrdə vəzifələrində çalışırlar, hətta bəzi ölkələrdə artıq qanunverici orqanlara seçilirlər. Xaricdə yaşayan və təhsil alan gənclər öz ölkələrini layiqincə təmsil edirlər. Bu həmrəylik Azərbaycan icmalarını xaricdə gücləndirir və Azərbaycan həqiqətlərinin dünyaya catdırılmasına imkan yaradır. Təsadüfi deyil ki, bəynəlxalq maliyyə qurumları Azərbaycanın bu istiqamətdə – iqtisadi və siyasi islahatların aparılması istiqamətində gördüyü işləri yüksək qiymətləndirir. Bunun üçün bütün Azərbaycan vətəndaşlarını həmrəy olmağa və daha böyük uğurlar əldə etməyə səsləyirəm. Bu işdə xaricdə yaşayan azərbaycanlılar və gənclər təhsil aldıqları ölkələrdə müxtəlif dərnəklər və ictimai birliklər yaradırlar. Azərbaycan diospor təşkilatlarının məhz 40-dan çoxunu gənclər təsis edib. 2009-cu ildə Moskvada Rusiyanın Azərbaycan Gənclər Təskilatının təsis edilməsi Azərbaycan diosporunun və xaricdə təhsil alan gənclərin həyatında mühüm bir hadisə oldu. Leyla Əliyevanin sədrliyi ilə bu təskilat qisa müddət ərzində Azərbaycan həqiqətlərinin dünyaya çatdırılmasında və gənclərin diospor fəaliyyəti işinə cəlb olunması istiqamətində çox önəmli addımlar atıb. Məhz Polşada da oktyabr ayında cənab səfir Həsən Həsənovun Vrostlav universtetində tələbələrlə görüşü zamanı tələbələr bildiriblər ki, 2013-cü ilin sonuna qədər AYPU (Polşada Azərbaycan Gənclər Birliyi - Azerbaijani Youth Union in Poland) təşkilatının təsis olunması nəzərdə tutulub. Hesab edirəm ki, bu təşkilatın yaradılması Azərbaycan həqiqətlərini Polşa cəmiyətinə və beynəlxalq tələbələr çatdırılmasında xidməti yaxşı olacaq. Bu təşkilatın yaradılması biz gənclərin bir mərkəz ətrafinda birləşməmizə şərait yaradacaq və Azərbaycanı Polşada tanıtmaq istiqamətində mühüm bir hadisə olacaq. Hər bir azərbaycanlı gəncin ölkəmizi öz tərbiyəsi, savadı vətənpərvərliyi ilə təbliğ etməli və Azərbaycanı Polşada tanıtmalıdır”.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2013.- 13 noyabr.- S.15.