Diaspor təşkilatları Xocalını

anım mərasimləri keçiriblər

Xocalı soyqırımının 22-ci ildönümü dünyanın əksər ölkələrində fəaliyyət göstərən diaspor təşkilatları tərəfindən qeyd edilib. Belə ki, Almaniyanın Köln şəhərində Alman-Azərbaycan Mədəniyyət Evi, Soyqırım Həqiqətlərini Tanıtma İctimai Birliyi və Alman Türkiyə Məzunları Birliyinin təşkilatçılığı ilə Xocalı Soyqırımı ilə bağlı “Köln Ev” adlanan yerdə yürüş mitinq keçirilib.

Mitinqə müxtəlif Avropa ölkələrindən gəlmiş insanlar, o cümlədən Köln- Dayanışma Azərbaycan Dərnəyinin Ufuk Kamal, Belçika-Azərbaycan Dostluq Cəmiyyətinin sədri Ayhan Dəmirçi, Alman-Azərbaycan Dostluq Cəmiyyətinin sədri Naiba Hacıyeva Köln Ülkü Ocaqları, Atatürkçü Düşüncə Dərnəyinin, müxtəlif diaspor fəalları, həmçinin almanlar dəstək veriblər. Səsgücləndirici ilə Xocalı soyqırımı və Qarabağla bağlı alman dilində məlumat verilib, çıxışlar dinlənilib. Almaniya vətəndaşları və müxtəlif ölkələrdən olan turistlər mitinqi maraqla qarşılayıblar. Onlara Xocalı soyqırımı ilə bağlı broşürlər paylanılıb. Xüsusilə, gənclərimiz ayrı ayrılıqda turistlərə Xocalı soyqırımı və Qarabağ məsələsi ilə haqqında məlumat veriblər. Alman polisinin verdiyi xəbərə görə, mitinqdə 500-dən yuxarı insan iştirak edib. Mitinqin sonunda Kölndə yaşayan tarzən Vahid Vəliyevin ifasında “Bayatı-Şiraz” muğamı səsləndirilib. Xocalı soyqırımının 22-ci ildönümü ilə əlaqədar İstanbul Türkiyə-Azərbaycan Dərnəyi İstanbulda anım tədbiri təşkil edib. Tədbirdə Milli Məclisin üzvləri Aqil Abbas, Elman Məmmədov, Türkiyə Böyük Məclisinin üzvləri Atilla Kaya, Ali Özgündüz, Maltepe Universitetinin professoru Türkan Saylan, Anadolu Aydınlar Ocağının Baş katibi İbrahim Öztekin və soyqırımın şahidləri iştirak ediblər. Azərbaycanın İstanbuldakı Baş konsulu Həsən Zeynalov çıxışında Xocalı faciəsinin dünyanın 20 ölkəsində soyqırım olaraq qəbul edildiyini söyləyib. Bildirib ki, “Xocalıya ədalət” beynəlxalq kampaniyası çərçivəsində da soyqırımın tanınmasında mühüm işlər görür. İstanbul Türkiyə Azərbaycan Dərnəyinin rəhbəri Səfər Qarakoyunlu tədbirdə Xocalı soyqırımı haqqında iştirakçılara ətraflı məlumat verib, Dağlıq Qarabağ münaqişəsi zamanı Azərbaycanın müxtəlif regionlarında məskunlaşan məcburi köçkünlərin qısa zamanda doğma yurdlarına qayıdacağını dilə gətirib. Tədbirdə "Nerede Adalet, Nerede İnsan Hakları. Bir Daha Hocalı Yaşanmasın" sloqanıyla foto sərgi də nümayiş olunub. Almaniyadakı Azərbaycanlıların Koordinasiya Mərkəzi (AAKM), Almaniyadakı Türk-Azərbaycan Birliyi (TAVD), Berlin-Brandenburg Atatürkçü Düşüncə Dərnəyinin (ADD) təşkilatçılığı və Azərbaycanın Almaniyadakı səfirliyinin dəstəyi ilə Berlində Xocalı Soyqırımının 22-ci ildönümünə həsr olunmuş anım mərasimi keçirilib. AAKM-nin icraçı direktoru Samira Patzer-İsmailova Xocalı soyqırımının Almaniya ictimaiyyətində tanıdılmasına dair kecirilən tədbir və aksiyalar haqqında məlumat verib, bu günlərdə Almaniyada Xocalı Soyqırımı qurbanlarının xatirəsinə həsr edilən 30-a qədər tədbirin keçirildiyini bildirib. O, vurğulayıb ki, Heydər Əliyev Fondunun vitse-prezidenti Leyla Əliyevanın təşəbbüsü ilə başlayan “Xocalıya ədalət !” beynəlxalq kampaniyasının ictimaiyyətə yönəldilmiş çağırışı Almaniyada da fəal həyata keçirilir. Mühüm tədbirlərin Türk Evində Türk icması ilə birgə keçirilməsinin artıq ənənə halını aldığını söyləyən Azərbaycanın Almaniyadakı səfiri Pərviz Şahbazov çıxışında Türk və Azərbaycan diasporlarının Almaniyada sıx əməkdaşlığından bəhs edib. Səfir bildirib ki, son illərdə Almaniyada Azərbaycana olan münasibət dəyişib və Qarabağ problemi ilə bağlı bir sıra qətnamələr qəbul edilib. Türkiyə Cümhuriyyətinin Berlindəki Baş konsulu Ahmet Başar Şen Xocalı soyqırımının baş verməsinin Türk və Azərbaycan xalqı üçün acı bir örnək olduğunu söyləyib. Onun sözlərinə görə, Azərbaycan xalqına qarşı edilən haqsızlıq Türk xalqını da kədərləndirir, bu səbəbdən Türkiyə acı və üzüntüləri Azərbaycanla paylaşır. ADD-nin sədri Olcay Başeğmez artıq 4 ildən bəri Azərbaycan Diasporu ilə sıx əməkdaşlığın olduğunu və birgə anım tədbirlərinin keçirildiyini qeyd edib, 2015-ci ildə «qondarma erməni soyqırımının ildönümündə“ gözlənilən təxribatlar haqqında danışıb. Milli Məclisin üzvü Azay Quliyev, tarix elmləri doktoru Qasım Haciyev, yazıçı- jurnalist Səriyyə Cəfərova Türk-Azərbaycan qardaşlığından danışıb, Qarabağ münaqişəsinin həllinə apara biləcək tezislərlə çıxış edib, mülahizələrini söyləyiblər. Anım mərasimində Heydər Əliyev Fondunun hazırladığı, Qarabağın tarixinə və Qarabağ müharibəsinə həsr olunan “Xocalı Qətliamı” adlı tarixi- sənədli film nümayiş etdirilib.

Fevralın 23-də Təl-Əvivdəki "Şimon Peres Dünya Mərkəzi"ndə Xocalı faciəsinin 22-ci ildönümünə və 2009-cu ildə başlanmış "Xocalıya ədalət!" Beynəlxalq kampaniyasının 5 illiyinə həsr olunmuş mərasim keçirilib. Kampaniya çərçivəsində "İsrail-Azərbaycan" BeynəlxalqAssosiasiyası ("Azİz") Heydər Əliyev Fondunun dəstəyi ilə İsrailin 10 şəhərində Xocalı faciəsini özündə əks etdirən fotosərgi keçirib.Fotosərginin açılış mərasimi bir il əvvəl Təl-Əviv UniversitetininDiaspor Muzeyində olub. Sonradan həmin fotolar Afula, Tirat-Karmel, Or-Akiva, Kiryat-Ekron, Netanya, Təl-Əviv, Rehovat, Aşkelon, Akko və Loda şəhərlərində nümayiş etdirilib.Bütün sərgilərdə onun keçirildiyi şəhərin rəhbərliyi, ictimaitəşkilatların başçıları, mətbuat nümayəndələri iştirak edib, sərgi yerli və xarici KİV-lərdə geniş işıqlandırılıb.Dağ Yəhudiləri Regional İctimai Xeyriyyə Fondunun dəstəyi ilə disk şəklində videofilm və sərgidən bəhs edən kitabça da buraxılıb.

Paris Azərbaycan Evi isə Xocalı soyqırımının 22-cü ildönümü ərəfəsində yerli ictimaiyyəti faciə haqqında məlumatlandırmaq və beynəlxalq aləmi hadisəyə ədalətli hüquqi qiymət verməyə çağırmaq məqsədilə Fransa paytaxtında aksiya keçirib. Parisin mərkəzində - Mars çöllərindəki Joffre meydanında təşkil olunmuş mitinq Xocalı qurbanlarının ruhunun bir dəqiqəlik sükutla anılması ilə başlayıb və 2 saat davam edib. Paris Azərbaycan Evinin rəhbəri Mirvari Fətəliyeva aksiyada çıxış edərək 1992-ci il fevralın 25-dən 26-na keçən gecə ermənilərin Xocalı şəhərində azərbaycanlı əhaliyə qarşı törətdiyi qətliam haqqında məlumat verib. O bildirib ki, erməni diasporunun güclü olduğu Fransada bütün çətinliklərə baxmayaraq Azərbaycan icmasının təmsilçiləri ölkəsinin milli maraqlarını qorumaqdan və sözünü deməkdən çəkinmir: “Azərbaycanın haqq səsini Fransada ucaltmaq hər bir azərbaycanlının mənəvi borcu olmalıdır”. Mitinqdə çıxış edən Azərbaycanın Fransadakı səfiri Elçin Əmirbəyov 20-ci əsrin ən dəhşətli qətliamlarından biri - Xocallı soyqırımına, eləcə də, BMT qətnamələrinin yerinə yetirilməməsinə, Azərbaycan torpaqlarının hələ də işğal altında olmasına beynəlxalq aləmin biganə qalmasını təəssüflə qeyd edib və Fransa ictimaiyyətini bu faciəni azərbaycanlılara qarşı həyata keçirilmiş soyqırım kimi qəbul etməyə çağırıb. 1992-ci ildə Fransanın Azərbaycandakı ilk səfiri olmuş Jean Perrin də həmin hadisələrin şahidi kimi aksiyaya qatılaraq acı xatirələrini bölüşüb. O, 1992-ci ildə Xocalı faciəsi zamanı yaralanmış sakinləri ziyarət etdiyini və dəhşətli səhnələri hələ də unuda bilmədiyini deyərək belə bir cinayəti törədənlərin indiyəcən cəzasız qalmasına təəccübünü gizlətməyib. Fransız diplomat əlavə edib ki, həmin hadisələrdən 22 il keçməsinə baxmayaraq günahkarların cəzalandırılması üçün heç də gec deyil. Aksiya çərçivəsində Xocalı faciəsinin əks etdirən “Xocalı uşaqların gözü ilə” adlı fotosərgi də təşkil olunub, soyqırım haqqında məlumatlar olan broşürlər, Heydər Əliyev Fondu tərəfindən çap olunmuş kitablar yerli sakinlərə və qonaqlara paylanıb, onlara soyqırım haqqında videomateriallar da verilib. Azərbaycan, Türkiyə, Fransa bayraqlarının dalğalandırıldığı aksiyada Azərbaycan Səfirliyinin, Azərbaycanın YUNESKO yanındakı daimi nümayəndəliyinin təmsilçiləri, Azərbaycan diasporunun və türk icmasının fəalları, Azərbaycanın dostu olan fransızlar iştirak edi Kanadanın Toronto şəhərində - Ontario əyaləti parlamentinin qarşısında keçirilən nümayişdə Toronto və Vaterlo universitetlərində təhsil alan azərbaycanlı tələbələr, eləcə də Toronto və Vaterlo şəhərlərində yaşayan soydaşlarımız iştirak ediblər.Nümayiş zamanı 1992-ci il fevralın 25-26-da Xocalıda erməni hərbçiləri tərəfindən azərbaycanlılara qarşı törədilmiş cinayətlər və 1988-ci ildən davam edən erməni işğalına qarşı fikirlər və “Erməni terroruna son”, “Xocalı soyqırımının səbəbkarı ermənilərdir”, “Erməni terrorçuları Qarabağdan çıxın” kimi süarlar səsləndiriblər. İştirakçılara və yerli sakinlərər Xocalı soyqırımı ilə bağlı broşürlər paylanılıb.Nümayiş iştirakçıları Ermənistan tərəfindən həyata keçirilən işğalçı siyasətə son qoyulmasını tələb edib, Kanada millət vəkillərini Xocalı qətliamına hüquqi və siyasi qiymət verməyə çağırıblar.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2014.- 26 fevral.- S.15.