Xaricdəki azərbaycanlı

gənclər üçün yeni imkanlar

Xarici ölkələrdə yaşayan və ya təhsil alan azərbaycanlı gənclərlə bağlı müntəzəm olaraq müxtəlif təşkilat və qurumlar tərəfindən məqsədyönlü layihələr həyata keçirilir. Həyata keçirilən bu kimi layihələr xaricdəki azərbaycanlı gənclərin müasir informasiya kommunikasiya texnologiyalarına yiyələnməsinə, onların bilik və bacarıqlarının artırılmasına xidmət edir.

Xaricdəki azərbaycanlı gənclər üçün Gürcüstandakı Azərbaycanlıların Mədəniyyət Mərkəzinin təşkil etdiyi layihələr xüsusi əhəmiyyət daşıyır. Bir müddət əvvəl Gürcüstandakı Azərbaycanlıların Mədəniyyət Mərkəzinin təşkil etdiyi daha bir layihə də gənclərimiz üçün uğurlu sayıla bilər. Belə ki, Nobel-T Məhdud Məsuliyyətli Cəmiyyət və Azərbaycanlılarıln Mədəniyyət Mərkəzinin Gənclər şöbəsinin birgə həyata keçirdiyi “Xarici ölkələrdə yaşayan azərbaycanlı uşaqlara və gənclərə müasir informasiya texnologiyaları vasitəsilə Azərbaycan dili, tarixi, ədəbiyyatı və coğrafiyasının tədris edilməsi” layihəsinin ilkin mərhələsi sona çatıb. Layihənin məqsədini aşağıdakı kimi qiymətləndirmək olar: Xarici ölkələrdə yaşayan azərbaycanlı uşaqlara və gənclərə müasir informasiya texnologiyaları vasitəsilə Azərbaycan dili, Azərbaycan ədəbiyyatı və mədəniyyətinin tədris edilməsi, soydaşlarımızın milli ruhda tərbiyə olunmasına xidmət etmək, distant təhsil vasitəsilə xarici ölkələrdə yaşayan və Azərbaycan haqqında yetərli bilgisi olmayan hər bir azərbaycanlı gəncə virtual məkanın imkanlarından istifadə edərək ana dilini öyrətmək, doğma vətənin tarixini, coğrafiyasını, ədəbiyyatını və mədəniyyətini mənimsəmək imkanı yaratmaq. Bundan başqa layihə xarici ölkələrdə yaşayan soydaşlarımıza Azərbaycan dilinin zənginliyini öyrətmək, ədəbiyyatımızı, folklorumuzu sevdirmək, vətənimizin təbii sərvətləri, fauna və florası, iqlimi haqqında məlumatlar verməyi nəzərdə tutur. Layihə gənclərimizə tariximizi aşılamaq baxımından faydalıdır. Belə ki, xarici ölkələrdə yaşayan həmvətənlərimizə vətənimizin bu günə qədər keçdiyi yolu-tariximizi öyrətmək, xarici ölkələrdə yaşayan soydaşlarımıza müstəqilliyimizin qazanılmasında müstəsna rolu olan, xalqı birləşməyə çağıran, ərazılərimizi qorunmağa, düşmənlərimizə qarşı birləşməyə çagıran, Azərbaycanı dünyada tanıdan və Azərbaycanlı olmağı ilə fəxr edən Heydər Əliyev irsinini öyrətməyi qarşıya başlıca məqsəd kimi qoyur. Eyni zamanda xarici ölkələrdə yaşayan azərbaycanlı uşaqların və gənclərin kompüter və elektron resurslardan istifadə bacarıqlarını artırmaq, “Distant təhsil portal-platforması” adlı internet portalını yaratmaq, xarici ölkələrdə yaşayan azərbaycanlı uşaqlar və gənclər arasında (tədris olunan fənlər çərçivəsində) xüsusi istedadları üzə çıxarmaq, təhsilin bu səviyyəsində tədris ediləcək fənlərin elektron versiyasından istifadə edilməsindən ibarət yeni təhsil texnologiyası əsasında tədrisi təşkil etmək layihə müddətində görüləcək işlər sırasında yer alır. Həmçinin layinənin məqsədi xarici ölkələrdə yaşayan xüsusi istedadlı azərbaycanlı uşaqların və gənclərin respublikada keçirilən müsabiqələrdə onlayn iştirakını təmin etməkdir. Yaxın vaxtlarda layihənin nöbəti mərhələsinə start veriləcək.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2014.- 21-23 iyun.- S.15.