Diaspora təşkilatlarımız
yeni fəaliyyət planı
hazırlamalıdır
“Erməni soyqırımı”nı tanımayan dovlətlərlə iş gücləndirməlidir
Ermənistan mətbuatının
yaydığı məlumata görə, ermənilərin gələn
il qeyd etməyə
planlaşdırdıqları qondarma erməni
“soyqırımı” nın 100 illiyinə ciddi
hazırlıq işləri aparılır. Panarmenian.net
saytının məlumatına görə, ermənilər
Türkiyədə qondarma
"soyqırım"ın 100 illiyi
münasibətilə 2015-ci ildə "1965" adlı
kitabı yeni versiyada
nəşr etməyi planlaşdırır.
Xatırladaq ki, bu kitab qondarma
"soyqırım"ın 50 illiyi münasibətilə dərc
edilib. Yeni versiyanın müəllifləri
Türkiyədə işıq üzü
görən ermənidilli "Aqos" qəzetinin
jurnalistləri - Aris Nalçı və Sərdar
Korucudur. Müəlliflərin sözlərinə
görə, kitabda erməni diasporunun mövqeyinə də geniş
yer veriləcək. Azəri-Türk
Qadınlar Birliyinin rəhbəri Tənzilə
Rüstəmxanlı bu fakta
dərin təəssüfləndiyini bildirib.
Qeyd edib ki, ermənilər
"soyqırım"ın 100 illiyinə çox
ciddi şəkildə
hazırlaşırlar: "Biz illərdir
deyirik ki, Türkiyə
ilə Azərbaycan bu məsələdə
birgə hərəkət etməlidir. Çox
təəssüflər olsun ki, Türkiyədə erməni iddialarına
qarşı lazımınca mübarizə aparılmır. Düzdür, kitablar
yazılır, simpoziumlar təşkil edilir, ancaq bunların
hamısı özünümüdafiə xarakterlidir.
Bununla bağlı ermənilərə hər
cür dəstək verildi.
Dövlətin vəsaiti hesabına "Axtamar"
kilsəsi Van şəhərində təmir
olunaraq ermənilərin ixtiyarına verildi. Hazırda bütün
dünya erməniləri ora
ziyarətə gəlir. Bütün
bunları ona görə edirdilər ki, ermənilər "soyqırım"
iddiasından vaz keçsin.
Amma ermənilər bunu
heç zaman edən deyil. Artıq "soyqırım" ermənilərin
milli məsələsinə çevrilib. Hazırda Türkiyədə nə
desən edə bilərlər və mən buna
təəccüb etmirəm. Hesab edirəm
ki, çox
biabırçı bir mənzərədir".
Onun sözlərinə görə, ermənilərin
türk birliyinə qarşı istifadə
etdiyi ən kəsərli silahlardan
biri də qondarma
"soyqırım" iddiasıdır. Türkiyə
dövləti uzun illərdir erməni diasporunun bu uydurması ilə
mücadilə aparmaq məcburiyyətində
qalıb. Təsadüfi deyil
ki, Türkiyə prezidenti
R.T. Ərdoğan hələ baş nazir olarkən ABŞ Senatının Nümayəndələr
Palatasının sədri ilə görüş
vaxtı bütün diqqəti əsasən
1915-ci il hadisələri və qondarma "erməni soyqırımı"
iddialarına yönəldib. Türkiyənin bu məsələyə böyük
həssaslıqla yanaşdığını deyən
Ərdoğan bunun iki
ölkə arasındakı münasibətlərə mənfi
təsirinin olmamasına diqqət edilməsinin vacibliyini
vurğulayıb. Palatanın sədri isə bu
məsələnin tarixçilər tərəfindən
müzakirə olunmasının daha düzgün olacağını deyib.
Millət vəkili Musa Qasımlı da qeyd edib ki,
erməni diasporunun qondarma
soyqırım təbliğatına qarşı ciddi addımların atılmasına ehtiyac var: “Təcavüzkar
Ermənistan Azərbaycanın işğal
olunmuş Dağlıq Qarabağ
və ətraf rayonlarını xaricdə təbliği ilə
bağlı geniş fəaliyyət
göstərir. Biz də buna
qarşı öz fəaliyyətimizi
artırmalıyıq. Konkret olaraq Azərbaycanın işğal olunmuş
Dağlıq Qarabağ və ətraf regionlarda zorakı məskunlaşdırma və
digər qanunsuz fəaliyyətlər
haqqında həm beynəlxalq parlament təşkilatlarına,
həm də ayrı-ayrı ölkələrin parlamentləri
ilə dostluq qruplarının üzvlərinə
fərdi qaydada müraciət edilməlidir.
Müraciətdə xahiş edilməlidir
ki, onlar bu vəziyyəti parlamentlərində
qaldırsınlar. Bunun faydası çox ola bilər. Nəticəsinin
nə olmasından asılı olmayaraq bu bir sınaq testi ola bilər”. Onun sözlərinə görə, ermənilər
tarixdə heç bir
zaman olmayan qondarma erməni “soyqırımı”nın 100
illiyinə hazırlaşırlar: “Biz də bundan istifadə
edərək öz həqiqətlərimizi
dünyaya çatdırılmasında fəal
olmalıyıq. Əvvəlki illərdən fərqli olaraq 2015-ci ildə Xocalı ilə
bağlı həqiqətlərin dünyaya
çatdırılmasında daha fəallıq
göstərilməlidir”. M.Qasımlının sözlərinə
görə, bütün tarixi
sənədlərin hamısı aydın şəkildə
göstərir ki, ermənilərin
“soyqırımı” ilə bağlı söylənilənlərin
heç bir əsası
yoxdur: “Erməni soyqırımı” deyilən
şey qondarmadır. Bu,
bir sıra dövlətlərin
maraqları baxımından ortaya
atılıb. Ondan bir
alət kmi istifadə edilib.
Ermənistan heç bir
zaman “erməni soyqırımı”
iddiasından imtina etməyəcək. Ona görə ki, bu, həm Ermənistandakı, həm xaricdəki
ermənilər üçün bir ideologiya halına gəlib.
Erməniləri bir zaman
ayaqda saxlayan kilsə
idisə, 1915- ci ildən sonra
onlar bu
“soyqırımı” uydurdular və özlərinə
ikinci ayaq
yaratdılar. Əgər “soyqırım” ideologiyası aradan götürülərsə, o zaman Ermənistan dövləti
də olmaya bilər. “Soyqırımı”
bütün erməniləri birləşdirən
bir ideologiya halına
gəlib. Ölkə daxilində didişən qüvvələr,
düşmənçilik edənlər bu
məsələdə birləşirlər.
“Soyqırımı” onların alver
predmetinə çevrilib”.
Fakt ondan ibarətdir ki, erməni diasporu qondarma soyqırımdan maksimum
istifadə etməyi qarşısına məqsəd qoyub. Məhz aparılan ciddi
müqavimət nəticəsində bir
sıra ölkələrin parlamentləri qondarma
“soyqırımı”nı tanımaq barədə qərar qəbul
ediblər. Hətta Fransa parlamenti
bir az da
irəli gedərək qondarma erməni
soyqırımını inkar edənlərin
1 il həbs cəzası və ya 45 min avro
cərimə edilməsi haqqında qanun qəbul
edib. Görünın odur
ki, erməni diasporu bəzən
tarixi saxtlaşdıran qərarların qəbuluna
nail ola bilir. Heç şübhəsiz
ki, erməni diasporu gələn
il də bu tipli qanun və qərarların
qəbul edilməsi məqsədilə bütün
imkanlardan yararlanmağa
çalışacaq. Məhz belə halların
qarşısını almaq məqsədilə
Azərbaycan diaspora təkilatlarının
üzərinə ciddi vəzifələr
düşür.
''Davamlı
İnkişaf'' Gənclər Təhsil Təlim
Maarifləndirmə İctimai Birliyinin sədri Gülnarə
Əmiraslanovanın sözlərinə
görə, ümumiyyətlə diaspora təşkilatlarımız
qondarma erməni “soyqırımı”
nın dünyada təbliğinin
qarşısının alınması məqsədilə konkret fəaliyyət planı hazırlamalıdır. Belə bir plan diaspora
təşkilatlarımızın daim
gündəmində olmalıdır: “Düşünürəm
ki, diaspora təşkilatları
tərəfindən. Bu sahədə fəaləyyət
planı hazırlanmalıdır. Fəaliyyət planının
hazırlanması müzakirə olunmalı və təsdiqlənməlidir.
Düzdür, bu sahədə
indiyə qədər cox işlər gorülüb. Lakin
görülən işlər yetərincə olmayıb deyibən
ermeni lobbisi bizi qabaqlayib. Amma məsələ ilə bağlı ugurlarimiz və təcrübəmiz də var. Təsadüfi deyil ki, diaspora təşkilatlarımız
və Azərbaycan dövlətinin apardığı xarici siyasət nəticəsində ildən
ilə ermənilər tərəfindən törədilən
soyqırım faktları tanınır. Bu
təcrübədən istifadə edib fəaliyyətimizi
davam etdirməliyik”. Onun
sözlərinə görə, diaspora təşkilatlarımız
ilk növbədə soyqırımı
tanımayan dovlətlərlə işlərini gücləndirməlidir,
həmin dövlətlərlə əlaqələr genişlənməlidir.
Ancaq bu işlər Azərbaycan
dövlətinin dəstəyi və nəzarəti altında
həyata keçirilməlidir ki,
qarşıya qoyulan hədəfə çatmaq mümkün olsun.
Əslində diaspor təşkilatlarımız ermənilərin
azərbaycanlıların başına gətirdikləri faciələri,
dəhşətli qırğınları dünya
ictimaiyyətinə çatdırılması istiqamətində
ciddi iş görə
bilərlər. Bir istiqamətdə
Xocalı faciəsi, yaxud ermnilərin
Sumqayıt şəhərində törətdikləri
qırğınlar barədə beynəlxalq ictimaiyyətə
həqiqətlər çatdırıla bilər. Müxtəlif
vasitələrlə dünyaya bəyan
edilə bilər ki, Azərbaycan tolerant ölkə olmasına baxmayaraq
ermənilər etnik təmizləmə əməliyyatı
aparıblar. Azərbaycanın tolerant
ölkə olmasını Bakıdakı erməni kilsəsinin
mövcudluğu da sübut edir. Etnik təmizləmə siyasəti aparan Ermənistanda isə bir
azərbaycanlı belə qalmayıb. Bu və
bu kimi digər faktlar hələ də dünya
ictimaiyyətindən gizlədilir. Həmçinin, ermənilərin
iddia etdikləri qondarma
erməni “soyqırımı”nın tarixi
kökləri barədə əsil həqiqət broşüra şəklində
hazırlanıb yayıla bilər. Dünyaya
çatdırıla bilər ki, 1915-ci il aprelin 24-də
Osmanlı İmperatorluğunun Daxili İşlər Nazirliyi
bir əmr verib, aprelin 26-da da isə Baş komandanlığın əmri
çıxıb. O əmrə görə 2345 erməni terrorçusu ölkənin müxtəlif yerlərində
həbs edilib. 1915-ci il
mayın 27-də “Söbh və isqan haqqında” Qanun qəbul
edilib. Dövlətə qarşı qiyam qaldıran ermənilər daha
təhlükəsiz yerlərə köçürülməyə
başlanıb. Köçürülərkən bu ermənilərin can və
malı qorunmalıydı. Köçürmə dövlətin
hesabına həyata keçirilirib. Ermənilər
köçürülərkən onların təhlükəsizliyini
qorumaqdan ötrü jandarm qüvvələri verilib.
Sağlamlıqlarının qorumasından ötrü
həkimlər ayrılıb. Ermənilər Van, Bitlis,
Ərzurumdakı vilayətlərin daxilində olan
daha təhlükəsiz ərazilərə
köçürülüblər. 1916-cı il
oktyabr ayının məlumatına
görə, təxminən 702 min 900 nəfər
erməni köçürülüb və
onlar müharibə aparmasına baxmayaraq, Osmanlı hökuməti tərəfindən
qayğı ilə əhatə olunublar.
Hökumət bu prosesə təxminən
86 milyon lirə xərcləmişdi. Deməli,
24 aprelin soyqırımı kimi götürülməsinin “ermənilərin
öldürülməsi” ilə heç bir əlaqəsi yoxdur. Həmin
gün erməni terrorçularının
həbsi günüdür. Ermənilər
həmin hadisələr zamanı 1 milyon nəfərin
öldürüldüyünü
yazırlar, bu rəqəm həqiqətə
nə dərəcədə uygundur? Tarixi gerçəkliyi əks etdirimi?
Faktlar sübut edir ki, bu
hadisələr zamanı ölənlər hərbi əməliyyat
meydanında ölənlərdir və say
da bu qədər deyil. Həmin dövrün
rəqəmləri deməyə əsas verir
ki, öldürülən ermənilərin
sayı əvvəlcə 600 min, sonra 800 min, sonra isə 1 milyon 500 min nəfər göstərilir. Ancaq
Rusiyanın görkəmli alimlərindən biri
çarizm devriləndən sonra müvəqqəti hökumətin xarici işlər naziri olmuş Milikovun “Qafqazskiy teleqraf” qəzetinin
7 dekabr 1914-cü il tarixli 6-cı sayında “Ermənistanın taleyi” adlı bir məqaləsi
çap olunub. Məqalədə
deyilir: “Etnoqrafik Emənistan
hüdudlarında yaşayan bütün əhali içərisində xristianlar 1 milyon 183 nəfərdir.
Xristianların içərisində ermənilər də
vardı, malakanlar da və
s. 1877-78-ci il rus-türk müharibəsindən sonrakı ərazilər
Rusiyaya keçmişdir,
ora digər millətin nümayəndələrini
də köçürmüşdülər". Milikov elə belə də yazır: “Onlardan 1 milyon 18 min nəfəri və ya 45.1%-i ermənidir.
Etnoqrafik
Ermənistan hüdudlarında
yaşayan əhalinin
54.8 %-i müsəlmandır”.
Məsələ orasındadır
ki, bu rəqəmi
türk, Azərbaycan tarixcisi demir. Bu rəqəmi rus
tarixçisi deyir.
Hacı Zeynəlabdin Tağıyevin maliyyələşdirdiyi
“Kaspiy” qəzetinin
1914-cü il 18 noyabr tarixli 259–cu sayında yazılırdı: “6 vilayətdə
1 milyon 18 min erməni
yaşayır.Yenə “Baku” qəzetinin 1915-ci il 4 sentyabr tarixli 197-ci sayında “Ermənistanın
göz yaşları”
məqaləsində göstərilirdi
ki, bütün Türkiyədə yaşayan
ermənilərin sayı
1milyon 200 mindir. Onlardan təxmininən
250 mini Qafqaza gəlmişdir.
Birinci Dünya müharibəsi illərində o qəzetdə
200 min yazılır. 700
min nəfər başqa
ölkələrə köç
edib getmişdir.
280 min erməni daimi yaşadığı
yerlərdə yaşamağa
davam etmiş və İslamı qəbul etmişdir. Məhz sənədlərə əsaslanan
bu kimi tarixi
faktların diasporamız
tərəfindən dünya
ictimaiyyətinə çatdırılması
erməni yalanlarının
ifşasında mühüm
rol oynaya bilər.
Azərbaycan Respublikası Prezidenti
yanında KİV-in İnkişafına
Dövlət Dəstəyi
Fondunun maliyyə dəstəyilə çap
edilmişdir
Olaylar.- 2014.- 1-3 noyabr.-
S.3.