Azərbaycanda III Beynəlxalq
Teatr Konfransı keçirilir
Beynəlxalq əhəmiyyətli
tədbir və festivalların Azərbaycanda keçirilməsi
artıq bir ənənə halını
alıb. Belə ki, bu
günlərdə ölkəmiz daha bir beynəlxalq tədbirə evsahibliyi
edəcək. Xəbərlərdən də aydın olduğu kimi noyabrın
5-6-sı tarixlərində Bakıda III Beynəlxalq Teatr Konfransı keçiriləcək. Azərbaycan Respublikası Mədəniyyət və
Turizm Nazirliyi, Azərbaycan
Milli Elmlər Akademiyası, Azərbaycan Teatr Xadimləri İttifaqının birgə
təşkilatçılığı ilə baş tutacaq III Beynəlxalq
Teatr Konfransı ilə bağlı
noyabrın 4-də Musiqili Komediya
Teatrında jurnalistlər üçün
mətbuat konfransı keçirilib. Mətbuat konfransında mədəniyyət və turizm nazirinin müavini Ədalət Vəliyev, Teatr Xadimləri İttifaqının sədri
Azər Paşa Nemətov, Hindistandan
Beynəlxalq Uşaq Teatrları
Festivalının rəhbəri Ayşa Rau, Birləşmiş Ştatlardan
teatr rəssamı İosif
Usupov və Litva mədəniyyət
nazirinin müavini Deyvidas Staponkus iştirak ediblər. Tədbirdə
çıxış edən mədəniyyət və turizm nazirinin müavini Ədalət Vəliyev bildirib ki, artıq ənənə
halını alan beynəlxalq tədbir bu il həm qonaqların
sayı, həm də müzakirə olunacaq
mövzuların əhatə dairəsinə görə fərqlənəcək:
Konfransda 50-yə yaxın ölkədən
110-a yaxın məşhur teatr, incəsənət
xadiminin iştirakı gözlənilir. Hər
bir beynəlxalq konfransın və tədbirin
mövzusu olduğu kimi builki konfransın da mövzusu Teatr sənətinin multikulturalizm-universal
dəyərlər sistemində yeridir. Nazir müavini
qeyd edib ki, konfrans çərçivəsində
tanınmış teatr xadimlərinin
iştirakı ilə treninqlər də təşkil olunacaq: Azərbaycan Dövlət Akademik Milli Dram Teatrında Ukraynadan olan akademik Nelli
Korniyenko tərəfindən müasir teatrşünaslıq, Böyük Britaniyadan olan Paddi Kannin
tərəfindən isə rejissor və aktyor sənəti adlı treninq
təşkil olunacaq. Həmçinin
noyabrın 7-də Azərbaycan Dövlət Rus
Dram Teatrında Amerikadan
olan İosif Yuçupov tərəfindən cəhnəqrafiya
üzrə treninq keçiriləcək. Eyni sahə
üzrə Hollandiyadan olan
Luis Yansen treninq keçəcək. Ədalət Vəliyev
bundan əvvəl iki
dəfə keçirilən Beynəlxalq Teatr
Konfransından keçən müddət ərzində xeyli işlərin görüldüyünü,
bu sahədə müsbət nailiyyətlər
əldə edildiyini diqqətə
çatdırıb: Azərbaycan teatrı 2009-2019-cu illərdə
Dövlət Proqramının 2.15-ci bəndində müasir dövrün teatr problemlərinə həsr olunmuş
beynəlxalq elmi-praktiki konfransın təşkili
nəzərdə tutulmuşdur. Respublikamızda 2010-cu il 7-8 noyabr tarixlərində ilk
dəfə keçirilən Dünya teatr prosesi XXI əsrdə:
problemlər, perspektivlər və alternativlər mövzusuna həsr olunmuş
konfransda Amerika Birləşmiş
Ştatlarından, Kanadadan, Rusiyadan, Çexiyadan, Hon-Konqdan, Səudiyyə Ərəbistanından,
Ukraynadan, İsveçrədən, İrandan, Türkiyədən, Polşadan, Avstriyadan,
Belarusdan,
Finlandiyadan, Estoniyadan,
Litvadan, Çindən, Fransadan,
Gürcüstandan, Qazaxıstandan,
Qırğızıstandan, Tacikistandan, Moldovadan, Tunisdən, İngiltərədən,
Sinqapurdan, Koreyadan,
Yunanıstandan, Almaniyadan, ümumilikdə
30-dan artıq dövlətdən 60-dan artıq mütəxəssis
təmsil etmişdi. 2012-ci il
5-6 noyabr tarixlərində isə II Beynəlxalq
Teatr Konfransı keçirildi.
Konfransda MDB, Avropa, Amerika və Asiya ölkələrindən
80 nəfər qonaq iştirak
edirdi. Litva mədəniyyət nazirinin müavini Deyvidas Staponkus, Beynəlxalq Teatr İnstitutunun baş direktoru Tobias Byankone, görkəmli Polşa
dramaturqu, ssenarist və
rejissor Kşiştof Zanussi, Roma Teatrının
bədii rəhbəri Fabio Tolledi, UNESKO-nun Sühl Artisti, Beynəlxalq
Teatr İnstitutunun vitse-prezidenti, Sudan
Respublikasının görkəmli teatr xadimi Əli Mahdi, Zalsburq festivalının direktoru
Zeno Ştanek, Fuceyra Monodram Festivalın prezidenti Mohammad Alafkham, ASSİTEJ-in prezidenti İvett Hardi, Sverdovsk Musiqili Komediya
Teatrının direktoru, Rusiya
TXİ-nın katibi Mixail
Safronov və başqaları həmin tədbirin
iştirakçıları idi. Konfrans
çərçivəsində noyabrın 4-də Azərbaycan
Dövlət Rus Dram
Teatrında Litvanın görkəmli teatr
və kino aktyorları, xalq
artistləri Reqimantas Adomaytis,
Yuozas Budraytisin
iştirakı ilə yaradıcılıq gecəsi,
noyabrın 5-də Azərbaycan Dövlət Rus
Dram Teatrında Cənubi Afrika
Respublikasından tanınmış teatr
və televiziya ulduzu Tembi Mtshalinin
iştirakı ilə Qadın intizarı, noyabrın 6-da Azərbaycan
Dövlət Gənc Tamaşaçılar Teatrında Səudiyyə
Ərəbistanı Teatrının ifasında Vağzal heç yerə getmir tamaşaları göstərildi. Bundan başqa, konfrans zamanı Birinci
Bakı Beynəlxalq Teatr Konfransına, Slovakiya teatr tarixinə,
M.F.Axundzadənin 200 illiynə həsr olunmuş
foto-sərgilər nümayiş olundu, Milli idenfikasiya və inkişaf
komitəsinin idarə heyətinin toplantısı keçirildi. Həmçinin
noyabrın 4-də Kşiştof Zanussinin, Məhəmməd
Əl-Əfxanın, noyabrın 7-də Mişel
Vaisin, İvitsa Simiçin iştirakı ilə seminarlar təşkil olundu.
Ədalət Vəliyev qeyd edib ki, noyabrın 5-6-da
keçiriləcək III Beynəlxalq Teatr
Konfransında ASSİTEJ (Uşaq və Gənclər Teatrları Beynəlxalq Assosiasiyası), UNİMA
(Beynəlxalq Kukla Teatrları
Assosiasiyası), BTİ (Beynəlxalq Teatr İnstitutu), OİSTAT (Teatr
Rəssamları, Texniki İşçilər
və Memarların Beynəlxalq Təşkilatı), İFTR
(Beynəlxalq Teatr Tədqiqatları
Federasiyası) kimi beynəlxaq təşkilatların
baş katibləri və prezidentləri
çıxış edəcəklər:
İştirakçı ölkələr isə Birləşmiş Ştatlar,
Böyük Britaniya, Kanada, Fransa, İtaliya, CAR, Hollandiya, Avstraliya, İrlandiya, Rusiya, BƏƏ, İspaniya,
Mərakeş, Kuba, Ukrayna,
Polşa, Türkiyə, Estoniya,
Gürcüstan, Bolqarıstan, Almaniya, Yunanıstan, İsrail,
Küveyt, Makedoniya, Oman, Suriya, Finlandiya,
Bəhreyn, Avstriya, Hindistan,
İraq, İran, Litva, Qazaxıstan, Səudiyyə Ərəbistanı,
Rumıniya, Kolumbiya və s.
Konfransın iştirakçıları Cənubi
Afrika Respublikasından ASSİTEJ-in
Prezidenti xanım İvet
Hardi, Fransadan
UNİMA-ının baş katibi Jan Trüdo,
Kanadadan Beynəlxalq Teatrlar
İttifaqının baş katibi Mişel Vays, Hollandiyadan
OİSTAT-ın Prezidenti Lui
Yansen, İrlandiyadan
İFTR- ın idarə heyətinin üzvü
Brayan Sinqton, İspaniyadan İFTR-ın idarə heyətinin üzvü Boris
Daussa-Pastor, Mərakeşdən Ərəb
Teatr Tənqidçiləri
Assosiasiyasının Prezidenti Səid El-Naji, Ukraynadan Akademik Nelli Korniyenko, Polşadan dünya şöhrətli rejissor,
dramaturq, ssenarist Kşiştof Zanussi,
Dağıstan mədəniyyət nazirinin
müavini Murad
Hacıyev, Albaniyadan Muasir
Alban Teatr Cəmiyyətinin
rəhbəri Adonis Filippe, İtaliyadan Milan Pikkolo Teatrının
baş direktoru Sercio Eskobar, Hindistandan Kəlküttə Universitetinin
professoru Sureş Kumar, Omandan Sultan Qabus Universitetinin
professoru Said Mohammed Al Siyabi,
Rusiyadan Musiqili Teatrlar Beynəlxalq Assosiasiyasının
icraçı direktoru Nataliya
Zıkova, Birləşmiş Ştatlardan
Pensilvaniyanın Kutztounn Universitetinin
dekanı Artur Bloom və
başqalarıdır. Ədalət Vəliyev
onu da diqqətə
çatdırıb ki, ötən iki konfransdan keçən
müddət ərzində Azərbaycan Dövlət Gənc
Tamaşaçılar Teatrı ASSİTEJ-ə, Azərbaycan
Dövlət Kukla Teatrı UNİMA-ya, Azərbaycan Dövlət Musiqili Teatrı MTBA-ya, professorlar Məryəm Əlizadə və İsrafil İsrafilov Beynəlxalq
Teatr Tənqidçiləri
Assosiasiyasına üzv seçiliblər:
Bütün bu nailiyyətlər
eyni zamanda Azərbaycan
dövlətinin teatr, mədəniyyət
sahəsinə göstərdiyi diqqət və
qayğının təzahürüdür. Son
illərdə ölkəmizdə yeni-yeni
incəsənət mərkəzlərinin
açılması, teatr
binalarının əsaslı təmir edilərək istifadəyə
verilməsi ölkəmizə gələn qonaqlarda
da bir məmnunluq hissi yaradır. Bu gün müxtəlif sahələrdə
inkişaf edən Azərbaycan dövləti
mədəniyyəti, teatr sənətinə
də xüsusi diqqət yetirir.
Ədalət Vəliyev əmin olduğunu
bildirib ki, noyabrın
5-6-sı tarixlərində Bakıda keçiriləcək III
Beynəlxalq Teatr Konfransının nəticələri
və əldə edilən razılaşmalar da
əvvəlki iki konfransın nəticələri
kimi uğurlu və səmərəli
olacaq. Beynəlxalq Uşaq
Teatrları Festivalının rəhbəri Ayşa
Rau qeyd edib ki, tədbirdə iştirak etməkdə məqsədi Azərbaycan
teatrı ilə yaxından tanış olmaqdır: Mənim üçün Azərbaycana gəlmək,
belə nüfuzlu tədbirdə iştirak etmək xoşdur.
İlk dəfə Azərbaycanda
olmağıma baxmayaraq bu
ölkəni çox bəyəndim. Etiraf edim ki,
Bakıya gələnə qədər Azərbaycanı
tanımırdım. Ancaq indi
istərdim ki, uşaqlarımız da Azərbaycanı tanısın. Çünki burada insanlar çox səmimidirlər
və insanlarda pozitiv əhval-ruhiyyə
var. Ayşa Rau deyib ki,
Bakıda olduğu müddətdə ikitərəfli
görüşlər də keçirəcək: İstərdim
Azərbaycan teatrları Beynəlxalq Uşaq
Teatrları Festivalında iştirak etsinlər.
Tanınmış teatr
rıssamı İosif Yusupov
da Azərbaycanda sürətlə gedən
inkişafdan danışıb. Ölkəmizdə
mədəniyyətə, teatr və sənətə
böyük diqqət
ayrıldığını deyənb natiq
bildirib ki, hər dəfə
Bakıya gələndə bu sahədə
yeniliklərlə tanış olur, yeni-yeni incəsənət
ocaqlarının tikilib istifadəyə verildiyini görür. Qonaq bu kimi
halların onda böyük
fərəh hissi yaratdığını
vurğulayıb.
Qeyd edək ki, iki gün davam edəcək tədbir
zamanı Uşaq və Gənclər
Teatrları Beynəlxalq Assosiasiyası (ASSİTEJ), Beynəlxalq
Kukla Teatrları Assosiasiyası (UNİMA),
Beynəlxalq Teatr İnstitutu
(İTİ), Teatr Rəssamları, Texniki İşçilər və
Memarların Beynəlxalq Təşkilatı (OİSTAT), Beynəlxalq
Teatr Tədqiqatları Federasiyası
(İFTR) kimi
təşkilatların baş katibləri
və prezidentlərinin, eləcə də plenar
iclaslarda müəyyən edilən mövzular üzrə teatr
mütəxəssislərin məruzələri dinləniləcək.
Süleyman İsmayılbəyli
Olaylar.-
2014.- 5 noyabr.- S.3.