“Almaniyada diasporumuzun

vəziyyəti yaxşıdır”

Emil Hassanov: “Diaspor təşkilatları arasında

həmrəylik var, biz hər zaman bir-birimizə dəstək oluruq”

Bu gün Azərbaycan diasporunun Avropa məkanında aktiv olduğu ölkələrdən biri də Almaniyadır. Hazırda Almaniyada onlarla Azərbaycan diaspor təşkilatı, cəmiyyət və birliklər fəaliyyət göstərir ki, onların əsas fəaliyyət istiqamətləri Azərbaycan həqiqətlərinin alman cəmiyyətinə çatdırılması, ölkəmizin zəngin mədəni irsinin təbliği və Berlinlə Bakı arasında mövcud olan əlaqələri daha da inkişaf etdirməkdir. Belə təşkilatlardan biri də Alman-Azərbaycan Dostluq Cəmiyyətidir. Cəmiyyətin sədri Emil Hassanov “OLAYLAR”-a verdiyi müsahibədə rəhbərlik etdiyi qurumun fəaliyyət istiqamətləri, qarşısına qoyduğu məqsədlər və gələcək planlar barədə danışıb.

-Emil bəy, Alman-Azərbaycan Dostluq Cəmiyyəti nə zamandan fəaliyyət göstərir və cəmiyyətinizin əsas fəaliyyət istiqamətləri nədən ibarətdir?

-Alman-Azərbaycan Dostluq Cəmiyyətinin rəhbəri olaraq mən, 2006-cı ildən diaspor fəaliyyəti göstərirəm. Ancaq təşkilat olaraq biz Almaniyada 2014-cü ildə qeydiyyatdan keçmişik, Bizim əsas fəaliyətimiz Azərbaycanı mədəni, xeyirxah, humanist, konflikti sevməyən bir millət kimi alman cəmiyyətinə tanıtmaqdır.

-Alman-Azərbaycan Dostluq Cəmiyyətinin bu ölkədə fəaliyyət göstərən digər diaspor təşkilatları, cəmiyyət və birlikləri ilə əməkdaşlığı hansı səviyyədədir?

-Təşkilatımızın Almaniyada fəaliyyət göstərən digər diaspor təşkilatları ilə əlaqəsi hər zaman yüksək səviyyədə olub və mövcud olan münasibətlərə mənfi təsir göstərə biləcək heç bir problem görmürəm.

-Bəs Almaniyada Azərbaycan diasporunun vəziyyətini necə qiymətləndirərdiniz? Bu gün Azərbaycan diasporunun durumu hansı səviyyədədir?

-Diaspor təşkilatının rəhbəri olaraq Almaniyadakı diasporumuzun vəziyyəti yaxşıdır. Çünki bir neçə illər bundan əvvəl diaspor fəaliyyəti demək olar ki, o qədər də aktiv deyildi və bu qədər diaspor təşkilatları fəaliyyət göstərmirdi. Diaspor təşkilatları arasında həmrəylik var, biz hər zaman bir-birimizə dəstək oluruq. Ancaq kiçik bir məsələni diqqətinizə çatdırım. Hər bir təşkilat özünün özünəməxsus konsepti ilə fəaliyyət göstərir və çox vaxtı planda olan işlərdən öz aramizda xəbərdar olmuruq ki, fikir mübadiləsi aparaq, öz fikir və tövsiyələrimizi bir- birimizin diqqətinə çatdiraq. Bizim həmrəyliyimiz bəzən kamarat təşkilatların hazırladığı tədbirlərdə bəzən əfsuslar olsun ki, qonaq qismində iştirak etməkdən bir az fərqli olur.

-Azərbaycan həqiqətləri, Dağlıq Qarabağ problemi, ermənilərin işğalçılıq siyasətinin dünya, eləcə də alman ictimaiyyətinə çatdırılması istiqamətində Alman-Azərbaycan Dostluq Cəmiyyəti olaraq hansı adımlar atır, tədbirlər həyata keçirirsiniz?

-Təşkilatımız Azərbaycanın haqq səsini alman cəmiyyətinə çatdırmaq üçün hansı addımları atır sualına belə cavab verəcəm. Hansı haqq səsini? Əgər biz Azərbaycan-Ermənistan, Dağlıq Qarabağ münaqişəsində bizə qarşı baş verən haqsızlıqları nəzərdə tuturuqsa, bəli bu haqda bizim yerli təşkilatlarla çox gözəl münasibətlərimiz var, Çalışdığımız qədər məlumat veririk və verəcəyik.

-Alman-Azərbaycan Dostluq Cəmiyyəti olaraq iki ölkə arasındakı münasibətləri necə dəyərləndirirsiniz və cəmiyyətiniz bu əlaqələrin daha da inkişaf etdirilməsi məqsədilə hansı işlər görür?

-Biz həm təşkilat olaraq, həm də bu ölkənin vətəndaşı olaraq ikitərəfli münasibətlərin normal olmasının fərqindəyik. Almanlar bütün dünya insanları ilə əməkdaşlıq edirlər. Əlbətdəki, bura Türkiyə - və Amerika vətəndaşları da daxildir. Almanları hər hansı bir dostluğa və əməkdaşlığa sövq eləmək ötən illərə nisbətən çox çətinləşib. Bu da bəlkə dünya rəhbərlərinin bir-birilərinə verdiyi vədləri yerinə yetirməməsi və yalan danışmalarından ibarətdir.

Bəs keçirdiyiniz tədbirlər zamanı sizə təşkilat olaraq hər hansı bir dəstək göstərilirmi? Lazımı əyani vəsaitlərlə təmin olunursunuzmu?

-Təşkilat olaraq keçirdiyimiz tədbirlər zamanı hələ ki, heç bir yerə müraciət etməmişik. görüşlərimiz olub bizə lazım olan əyani vasitələrlə köməklik edəcəklərini diqqətimizə çatdırıblar. Ancaq hələ ki, bizim ehtiyacımız yoxdur. Çox sağolsun deyirik.

-Alman-Azərbaycan Dostluq Cəmiyyəti cari ilin sonuna qədər hansı layihə və ya tədbirlər keçirməyi nəzərdə tutub?

-Təşkilat olaraq cari ilin sonuna qədər təşkilatın növbəti ilə planının hazırlayıb qeydiyyatdan keçirməyi düşünürük. Çünki çox gərgin bir iş rejimindən sonra dediyimiz kimi respublikamızın xalq artistləri Fidan və Xuraman Qasımova bacılarının konsert proqramını təşkil etmişdik. Almanlara və burada yaşayan soydaşlarımıza Azərbaycanın musiqi mədəniyyətinin Pir parçasını göstərdik. Bu işdə bizə dəstək olan bütün həm yerli, həm də xarici təşkilatlara dərin təşəkkürümüzü bildiririk və işlərində uğurlar arzulayırıq.

Azərbaycan Respublikası Prezidenti yanında KİV-in İnkişafına Dövlət Dəstəyi Fondunun maliyyə dəstəyilə çap edilmişdir

Olaylar.- 2014.- 8-11 noyabr.- S.3.